ଶେରଗଡ଼,୨୬ା୩(ଡି.ଏନ୍.ଏ.)- ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ବୁଧବାର ମଧ୍ୟାହ୍ନ ପ୍ରାୟ ୧୨ଟାରେ ଶେରଗଡ ବ୍ଲକ ପରିଦର୍ଶନରେ ଆସିଥିଲେ। କରୋନା ପାଇଁ ଶେରଗଡ଼ ବ୍ଲକରେ କରାଯାଇଥିବା ବିଭିନ୍ନ ପ୍ରସ୍ତୁତି ତଦାରଖ କରିବା ସହ ଆଇସୋଲେଶନ କେନ୍ଦ୍ର ବୁଲି ଦେଖିଥିଲେ। ପ୍ରଥମେ ଶେରଗଡ଼ ମହାତ୍ମା ଗାନ୍ଧୀ ଉଚ୍ଚ ବିଦ୍ୟାଳୟ ଆଇସୋଲେଶନ ଗୃହ ଓ ପରେ ବରମୁଣ୍ଡଳୀ ଉଚ୍ଚ ବିଦ୍ୟାଳୟ, କୁଲାଗଡ଼ ସ୍ବାସ୍ଥ୍ୟକେନ୍ଦ୍ର, କୁଲାଗଡ଼ ମା’ କାଳୀ ଉଚ୍ଚ ବିଦ୍ୟାଳୟରେ କରାଯାଇଥିବା ଆଇସୋଲେଶନ ୱାର୍ଡ଼ ବୁଲି ଦେଖିଥିଲେ। ଉକ୍ତ କେନ୍ଦ୍ର ମାନଙ୍କରେ ପାଣି, ଆଲୁଅ, ପାଇଖାନା,ବେଡ୍ ଆଦି ବ୍ୟବସ୍ଥା ତଦାରଖ କରିଥିଲେ। ବ୍ଲକର ସମସ୍ତ ଡାକ୍ତରଖାନା ପ୍ରସ୍ତୁତ ରଖିବାକୁ ବିଡିଓ ସୁରଞ୍ଜନ କୁମାର ସାହୁଙ୍କୁ ନିର୍ଦ୍ଦେଶ ଦେଇଥିଲେ। ଜିଲାପାଳ କୁଲାଙ୍ଗ କୁଲାଗଡ଼ଠାରେ କେରଳରୁ ଗତ ଦୁଇଦିନ ତଳେ ଫେରଥିବା ଶ୍ରମିକଙ୍କୁ ଭେଟି ବିଭିନ୍ନ ପରାମର୍ଶ ଦେଇଥିଲେ। ବିଡିଓ ସାହୁ, ତହସିଲଦାର ଡ. ଦୟାସିନ୍ଧୁ ପରିଡ଼ାଙ୍କୁ ପ୍ରତିଦିନ ଶ୍ରମିକମାନଙ୍କ ଅସ୍ଥା ବୁଝିବାସହ ତାର ତଥ୍ୟ ପ୍ରଦାନ କରିବାକୁ କହିଥିଲେ। ପରିଦର୍ଶନ ସମୟରେ ଅତିରିକ୍ତ ତହସିଲଦାର ଅକ୍ଷୟ କୁମାର ମଲ୍ଲିକ, ବିଇଓ ଭାସ୍କର ଲେଙ୍କା, ସହକାରୀ ର୍ନିବାହୀ ଯନ୍ତ୍ରୀ ମହିନ୍ଦ୍ର କୁମାର ଷଡ଼ଙ୍ଗ ପ୍ରମୁଖ ଉପସ୍ଥିତ ଥିଲେ।