ଗଞ୍ଜାମ,୧୫।୨(ଡି.ଏନ୍.ଏ.): ବିଭିନ୍ନ ଦାବି ନେଇ ଗଞ୍ଜାମ ସହର ନିକଟ ଗ୍ରାସୀମ କମ୍ପାନୀ ସମ୍ମୁଖରେ ଶନିବାର ଠିକା ଶ୍ରମିକ ସଙ୍ଘ ପକ୍ଷରୁ ଧାରଣା ଦିଆଯାଇଛି। ଶତାଧିକ ମହିଳା ଓ ପୁରୁଷ ଏହି ଧାରଣାରେ ବସିଛନ୍ତି l ଏଥିସହିତ ଏକ ୭ ଦଫା ଦାବିପତ୍ର କମ୍ପାନୀ କର୍ତ୍ତୃପକ୍ଷଙ୍କୁ ସଂଘ ପ୍ରଦାନ କରିଛି। ଦାବିଗୁଡ଼ିକ ମଧ୍ୟରେ କମ୍ପାନୀ ଠିକା ଶ୍ରମିକଙ୍କୁ ନିଜସ୍ବ କୋଡ୍, ଠିକ୍ ସମୟରେ ଦରମା, ପୂର୍ବ ବକେୟା ପ୍ରଦାନ, ଠିକା ଶ୍ରମିକଙ୍କୁ କାଜୁଆଲ ଲେବର ମାନ୍ୟତା ଆଦି ଦାବି ଅନ୍ୟତମ। ଦାବିପୂରଣ ନ ହେଲେ ଆନ୍ଦୋଳନ ତୀବ୍ର କରାଯିବ ବୋଲି ସଙ୍ଘ ପକ୍ଷରୁ କୁହାଯାଇଛି। ଏଥିରେ ସମ୍ପାଦକ ସୁନୀଲ କୁମାର ଦାସ, ପୂର୍ବତନ ସଭାପତି ଜୟକୃଷ୍ଣ ବାରିକ, କେ. ଉମାକାନ୍ତ ରାଓ ପ୍ରମୁଖ ଉପସ୍ଥିତ ଥିଲେ। ତେବେ ପରିସ୍ଥିତି ଉତ୍ତେଜନା ଥିବାରୁ ସେଠାରେ ପୋଲିସ ମୁତୟନ ଥିବା ଦେଖିବାକୁ ମିଳିଛି । ଧାରଣା ଯୋଗୁ କମ୍ପାନୀର ଉତ୍ପାଦନ ସାମାନ୍ୟ ହ୍ରାସ ପାଇଥିବା ଜଣାପଡ଼ିଛି l
ସୂଚନାଯୋଗ୍ୟ, ବିଭିନ୍ନ ସମସ୍ୟା ନେଇ କମ୍ପାନୀ କତୃପକ୍ଷ ଙ୍କଠାରେ ଶ୍ରମିମାନେ ଦାବି କରି ଆସୁଥିଲେ ମଧ୍ୟ କୌଣସି ସୁଫଳ ନ ମିଳିବାରୁ ଏହି ଧାରଣା ଦିଆଯାଇଛି।