ବଅଁରପାଳ,୧୭ା୫(ଡି.ଏନ୍.ଏ.): ଅନୁଗୋଳ ଜିଲା ନାଲ୍କୋ ସିପିପି ପ୍ଲାଣ୍ଟକୁ ପରିବହନ ପାଇଁ ଯାଉଥିବା ଟ୍ରକଚାଳକମାନେ ବିଭିନ୍ନ ଦାବି ନେଇ ରବିବାର ପ୍ଲାଣ୍ଟର ମୁଖ୍ୟ ଫାଟକ ସମ୍ମୁଖରେ ଆନ୍ଦୋଳନ କରିଛନ୍ତି। ସେମାନେ ଅଭିଯୋଗ କରିଛନ୍ତି ଯେ, ପ୍ଲାଣ୍ଟରୁ ପାଉଁଶ ପରିବହନ ପାଇଁ ଶତାଧିକ ଟ୍ରକ ପ୍ଲାଣ୍ଟରେ ନିୟୋଜିତ ହୋଇଛି। ମାତ୍ର ପ୍ଲାଣ୍ଟକୁ ପରିବହନ ପାଇଁ ଟ୍ରକଗୁଡିକ ଯାଉଥିବା ବେଳେ ଅନେକ ସମୟରେ ଗାଡ଼ି ଚାଳକମାନଙ୍କୁ ପ୍ଲାଣ୍ଟର ସୁରକ୍ଷା କର୍ମଚାରୀମାନେ ଦୁର୍ବ୍ୟବହାର ପ୍ରଦର୍ଶନ କରିଛନ୍ତି। ଲୋଡିଂ ପଏଣ୍ଟରେ ମଧ୍ୟ ଅଯଥାରେ ହଇରାଣ କରାଯାଉଛି। ଚାଳକମାନଙ୍କ ପାଇଁ ସ୍ବତନ୍ତ୍ର ଭାବେ ବିଶ୍ରାମାଗାର ଓ ପିଇବା ପାଣିର ମଧ୍ୟ ବ୍ୟବସ୍ଥା ନାହିଁ। ତେଣୁ ସେମାନଙ୍କର ନ୍ୟାଯ୍ୟ ଦାବି ପୂରଣ ପାଇଁ ଆନ୍ଦୋଳନକୁ ଓହ୍ଲାଇଥିବା ଟ୍ରକଚାଳକମାନେ କହିଛନ୍ତି।