ଲୁଧିଆନା,୧୪।୧୧: ଚଣ୍ଡିଗଡ଼ର ଶହୀଦ ଭଗତ ସିଂ ଅନ୍ତର୍ଜାତୀୟ ବିମାନ ବନ୍ଦରରୁ ସୀମାଶୁଳ୍କ ଅଧିକାରୀମାନେ ଲକ୍ଷାଧିକ ଟଙ୍କାର ସୁନା ଜବତ କରିଛନ୍ତି। ଏହି ଘଟଣାରେ ସମ୍ପୃକ୍ତ ଜଣେ ଯାତ୍ରୀଙ୍କୁ ଗିରଫ କରାଯାଇଛି। ଏନେଇ ଲୁଧିଆନା ସୀମାଶୁଳ୍କ କମିଶନରଙ୍କ କାର୍ଯ୍ୟାଳୟ ପକ୍ଷରୁ ସୋମବାର ଏକ ବିବୃତି ଜାରି କରାଯାଇଛି।
ଗୋଇନ୍ଦା ସୂଚନା ଆଧାରରେ ଗତ ୧୨ ତାରିଖରେ ଦୁବାଇରୁ ଚଣ୍ଡିଗଡ଼ ଆସିଥିବା ଇଣ୍ଡିଗୋ ବିମାନର ଜଣେ ଯାତ୍ରୀଙ୍କ ଉପର ଅଧିକାରୀମାନେ ନଜର ରଖିଥିଲେ। ଯାଞ୍ଚ ବେଳେ ଯାତ୍ରୀଙ୍କ ପଗଡ଼ି ଟ୍ରାଉଜର ଏବଂ ଜିପ୍ରୁ କେତେକ ପାଉଚ୍ ମିଳିଥିଲା। ପାଉଚ ଖୋଳି ଦେଖିଲା ବେଳକୁ ଏଥିରେ ୧,୨୨୩ ଗ୍ରାମ ଓଜନର ସୁନା ମିଳିଥିଲା। ଯାହାର ବଜାର ମୂଲ୍ୟ ୫୨ଲକ୍ଷ ୮୮ହଜାର ୮୩୫ ଟଙ୍କା ହେବ ବୋଲି ଅଧିକାରୀମାନେ ପ୍ରକାଶ କରିଛନ୍ତି।
