କୋଲକାତା,୧୧।୧୨- ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ବ୍ୟକ୍ତିଗତ କାରଣ ଯୋଗୁ କୋଲକାତାରେ ପହଞ୍ଚିଛନ୍ତି। ସ୍ଥାନୀୟ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନ ବନ୍ଦରରେ ପହଞ୍ଚତ୍ବା ପରେ ତାଙ୍କ ଲଗେଜ ଅଦଳ ବଦଳ ହୋଇଯାଇଥିଲା। ଏ ସମ୍ପର୍କରେ ଜାଣି ନ ଥିବା ଧୋନୀ ଅନ୍ୟ ଜଣଙ୍କ ବ୍ୟାଗ ନେଇ ବିମାନ ବନ୍ଦରରୁ ବାହାରକୁ ଚାଲି ଯାଇଥିଲେ। ସମାନ ପ୍ରକାର ଲଗେଜ ହୋଇଥିବାରୁ ଧୋନୀ ଏହା ଜାଣି ପାରି ନ ଥିଲେ। ମାତ୍ର ବିମାନ ବନ୍ଦର କର୍ମଚାରୀଙ୍କ ସୂଚନା ପରେ ଭେଟେରାନ ଉଇକେଟକିପର ଜାଣି ପାରିଥିଲେ, ତାହା ତାଙ୍କ ବ୍ୟାଗ ନୁହେଁ। କିଛି ଘଣ୍ଟା ପରେ ଧୋନୀଙ୍କୁ ତାଙ୍କର ଲଗେଜ ମିଳିଯାଇଥିବା ଜଣାପଡ଼ିଛି।