ନର୍ଓ୍ବେର ଅକ୍ସର ନାମକ ଜଣେ ୧୯ ବର୍ଷୀୟ ନୌଯବାନ ଏକ ବିରଳ ମାଛ ଧରିଛନ୍ତି। ଏବେ ଏହି ମାଛର ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ମାଛଟିକୁ ଦେଖିଲେ ଭୟରେ ଦେହ ଥରି ଉଠିବ। ଅକ୍ସର ମାଛ ଧରିବାକୁ ସମୁଦ୍ରକୁ ଯାଇଥିଲେ। ତାଙ୍କ ନଜର ଏହି ବିରଳ ମାଛ ଉପରେ ପଡ଼ିଥିଲା। ମାଛର ଲମ୍ବା ଲାଞ୍ଜ ସହିତ ବଡ଼ ବଡ଼ ଆଖି ଦେଖିଲେ ଯେ କେହି ଡରିଯିବ। ଅକ୍ସର ମାଛଟିକୁ ଧରି ଏହାର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଏହା ପରେ ୟୁଜର୍ସମାନେ ଭିନ୍ନ ଭିନ୍ନ ମତ ଦେଇଛନ୍ତି।
ଜଣେ ୟୁଜର ଲେଖିଛନ୍ତି, ଏହା ଡାଇନୋସର୍ ପରି ଦେଖାଯାଉଛି। ଆଉ ଜଣେ ୟୁଜର ଲେଖିଛନ୍ତି କେଡ଼େ ଭୟଙ୍କର! ଅକ୍ସର ନିଜେ ମଧ୍ୟ କହିଛନ୍ତି, ଏହି ମାଛର ଡାଇନୋସର୍ ସହିତ କିଛି ସାମଞ୍ଜସ୍ୟ ରହିଛି। ସେ କୁହନ୍ତି, ସମୁଦ୍ରରେ ମାଛ ଧରିବା ପାଇଁ ୪ଟି ହୁକ ପକାଇଥିଲେ। ଗୋଟିକରେ ଏହି ବିରଳ ପ୍ରଜାତିର ମାଛଟି ପଡ଼ିଥିଲା। ଏକ ରିପୋର୍ଟ ଅନୁଯାୟୀ,ଏହି ମାଛ କ୍ୟାଟ୍ଫିସ୍ ସହିତ ମେଳ ଖାଉଛି। ଏହା ଗଭୀର ଜଳରେ ରହିଥାନ୍ତି।
