ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଡିସେମ୍ବର ୧୧ରେ ତୃତୀୟ ବିବାହ ବାର୍ଷିକୀ ପାଳନ କରୁଛନ୍ତି। ଚଳିତ ବର୍ଷ ତାଙ୍କର ଏହି ବିବାହ ବାର୍ଷିକୀ ସବୁଠାରୁ ସ୍ବତନ୍ତ୍ର ହେବ। କାରଣ ଏଥର ଅନୁଷ୍କା ବିରାଟଙ୍କୁ ବାପା ହେବାର ଖୁସି ଖବର ଦେଇଛନ୍ତି। କିନ୍ତୁ ଏଥର ଏହି ଯୋଡି ଏକାଠି ନିଜର ବିବାହ ବାର୍ଷିକୀ ପାଳନ କରିପାରିବେ ନାହିଁ। କାରଣ ବର୍ତ୍ତମାନ ବିରାଟ ଅଷ୍ଟ୍ରେଲିଆରେ ଥିବାବେଳେ ଅନୁଷ୍କା ମୁମ୍ବାଇରେ ଅଛନ୍ତି। କିନ୍ତୁ ଅଧିକାଂଶ ସମୟରେ ସ୍ବାମୀଙ୍କୁ ଉତ୍ସାହିତ କରିବା ପାଇଁ ଅନୁଷ୍କା ଖେଳପଡ଼ିଆରେ ଉପସ୍ଥିତ ରୁହନ୍ତି। ତେବେ ଖୁବ୍ କମ୍ ଲୋକ ଲକ୍ଷ୍ୟ କରିଥିବେ ଯେ, ଖେଳପଡ଼ିଆରେ ଅନୁଷ୍କା କେବଳ ଗୋଟିଏ ଘଣ୍ଟା ଏବଂ ବ୍ରେସଲେଟ୍ ପିନ୍ଧିଥାନ୍ତି। ଜାଣିବା ଏହି ଘଣ୍ଟା ସବୁବେଳେ ସେ କାହିଁକି ପିନ୍ଧିଥାନ୍ତି।
ଇଣ୍ଟରନ୍ୟାଶନାଲ ମାଚ୍ ଏବଂ ଆଇପିଏଲ୍ର ପୁରା ସିଜିନ୍ରେ ବିରାଟଙ୍କ ସହ ଅନୁଷ୍କାଙ୍କୁ ଦେଖିବାକୁ ମିଳିଥାଏ। ଏହି ସମୟରେ ଏହା ମଧ୍ୟ ଦେଖାଯାଇଛି ଯେ, ଅନୁଷ୍କା କେବଳ ଗୋଟିଏ ଘଣ୍ଟା ଏବଂ ବ୍ରେସ୍ଲେଟ ପିନ୍ଧିଥାନ୍ତି। ସେମିତିରେ ଅନୁଷ୍କାଙ୍କ ପାଖରେ ବହୁତ ଘଣ୍ଟା ଅଛି, ସ୍ବାମୀଙ୍କ ମ୍ୟାଚ୍ ଚାଲିଥିବା ବେଳେ ସେ କେବଳ ଗୋଟିଏ ଘଣ୍ଟା ପିନ୍ଧିଥାନ୍ତି। କାରଣ ଅନୁଷ୍କା ଏହି ଘଣ୍ଟାକୁ ଲକି ମାନିଥାନ୍ତି।
ବିରୁଷ୍କା ବଲିଉଡ୍ ଏବଂ କ୍ରିକେଟ ଦୁନିଆରେ ସବୁଠାରୁ ଚର୍ଚ୍ଚିତ ଯୋଡି ମଧ୍ୟରୁ ଅନ୍ୟତମ। ୨୦୧୭ରେ ଏମାନେ ବିବାହ କରିଥିଲେ। ବିବାହ ପୂର୍ବରୁ ଅନେକ ବର୍ଷ ପର୍ଯ୍ୟନ୍ତ ସେମାନେ ପରସ୍ପରକୁ ଡେଟ୍ କରୁଥିଲେ। ଡେଟିଂ ସମୟରେ ମଧ୍ୟ ଅନୁଷ୍କା ଏହି ଘଣ୍ଟା ପିନ୍ଧି ବିରାଟଙ୍କୁ ଉତ୍ସାହିତ କରିବାକୁ ଖେଳପଡ଼ିଆରେ ପହଞ୍ଚୁଥିଲେ। ମାତ୍ର ଏଥର ଗର୍ଭବତୀ ଥିବାରୁ ଅନୁଷ୍କା ବିରାଟଙ୍କ ସହ ଅଷ୍ଟ୍ରେଲିଆ ଗସ୍ତରେ ଯାଇ ନାହାନ୍ତି।