ମୁମ୍ବାଇ: ଅଭିନେତ୍ରୀ ଅନୁଷ୍କା ଶର୍ମା ଏହି ଲକ୍ଡାଉନ ସମୟରେ ସୋସିଆଲ ମିଡିଆରେ ବହୁ ଆକ୍ଟିଭ ରହୁଛନ୍ତି। ପ୍ରାୟ ସମୟରେ ସେ କିଛି ନା କିଛି ମଜାଳିଆ ଫଟୋ ଓ ଭିଡିଓ ଶେୟାର କରିଥାନ୍ତି। ହେଲେ ଏହି ରେସ୍ରେ ବିରାଟ ମଧ୍ୟ ପଛରେ ରହିନାହାନ୍ତି। ତାଙ୍କର ଫନି ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ସେ ସବୁକୁ ପ୍ରଶଂସକ ବେଶ୍ ପ୍ରଂଶସା କରୁଛନ୍ତି। ପୂର୍ବରୁ ବିରାଟଙ୍କ ଏକ ହେୟାର କଟ୍ ଭିଡିଓକୁ ଅନୁଷ୍କା ଶେୟାର କରିଥିଲେ। ଏବେ ପୁଣି ଆଉ ଏକ ଭିଡ଼ିଓକୁ ଅନୁଷ୍କା ଶେୟାର କରିଛନ୍ତି। ଯେଉଁଥିରେ ନାଗପୁର ପୋଲିସର ଏକ କମେଣ୍ଟ ରହିଥିବା ନଜର ଆସିଛି।
ସୂଚନା ମୁତାବକ କିଛି ଦିନ ପୂର୍ବରୁ ଅନୁଷ୍କା ବିରାଟଙ୍କ ଡାଏନାସୋରର ଏକ ଭିଡିଓ ଶେୟାର କରିଥିଲେ। ଏଥିସହ କ୍ୟାପଶନ୍ରେ ଲେଖିଥିଲେ, ଏବେ ଏବେ ମୁଁ ଡାଏନାସୋରକୁ ଦେଖିଲି। ଏହି ଭିଡିଓରେ ବିରାଟ ମଜାଳିଆ ଢ଼ଙ୍ଗରେ ଚାଲିବା ସହ ବଢ଼ିଆ ଏକ୍ସପ୍ରେଶନ ବି ଦେଉଥିବା ଦେଖିବାକୁ ମିଳିଛି। ଏହାକୁ ଦେଖିଲେ କେହି ବି ନିଜ ହସକୁ ଅଟକାଇପାରିବେ ନାହିଁ। ଏହା ଏବେ ସୋସିଆଲ ମଡିଆରେ ଭାଇରାଲ ହୋଇଥିବା ବେଳେ ୟୁଜର୍ସମାନେ ବହୁ ମଜାଳିଆ କମେଣ୍ଟ ଦେଇଛନ୍ତି। କେବଳ ୟୁଜର୍ସ ନୁହଁନ୍ତି ଏହାକୁ ଦେଖି ନାଗପୁର ପୋଲିସ ବି କମେଣ୍ଟ ନ ଦେଇ ରହିପାରି ନାହିଁ।
ନାଗପୁର ପୋଲିସ ବିରାଟଙ୍କ ଭିଡିଓରେ ଟୁଇଟ କରି ଲେଖିଛନ୍ତି, ରେସକ୍ୟୁ ପାଇଁ ମହାରାଷ୍ଟ ବନ ବିଭାଗକୁ ପଠାଇବି କି? ତାଙ୍କର ଏହି ମଜାଳିଆ କମେଣ୍ଟର ମଜା ପ୍ରଶଂସକମାନେ ବେଶ୍ ଉଠାଇଛନ୍ତି। କେହି ଭାବି ବି ନ ଥିବେ କି ଏହି ଭିଡିଓରେ ପୋଲିସ ବି କମେଣ୍ଟ ଦେବେ ଆଉ ସେଟା ବି ମଜାଳିଆ ଢ଼ଙ୍ଗରେ।