ଭାରତକୁ ଦୁଇଟି ବିଶ୍ୱକପ୍ ଜିତାଇଥିବା ପୂର୍ବତନ ଅଲରାଉଣ୍ଡର ଯୁବରାଜ ସିଂ ଏବେ ଅଧିନାୟକ ବିରାଟ କୋହଲିଙ୍କ ପଡୋଶୀ ହୋଇଯାଇଛନ୍ତି। ଯୁବରାଜ ମୁମ୍ବାଇର ଓ୍ବର୍ଲିରେ ଥିବା ଓମକାର ଟାଓ୍ବାର୍ସରେ ଘର କିଣିଛନ୍ତି। ୨୦୧୬ରେ ବିରାଟ କୋହଲି ଏଠାକୁ ଶିଫ୍ଟ ହୋଇଥିଲେ। ସେ ୩୫ତମ ମହଲାରେ ରହୁଥିବାବେଳେ ଯୁବରାଜ ୨୯ତମ ମହଲାରେ ଘର କିଣିଛନ୍ତି। ବିରାଟ କୋହଲିଙ୍କଠାରୁ ଦୁଇଗୁଣା ଅଧିକ ମୂଲ୍ୟରେ ଘର କିଣିଛନ୍ତି ଯୁବରାଜ। କୋହଲି ୩୪ କୋଟି ଟଙ୍କାରେ ଘର କିଣିଥିବାବେଳେ ଯୁବରାଜ ୬୪ କୋଟି ଟଙ୍କାରେ କିଣିଛନ୍ତି। ଭାରତୀୟ କ୍ରିକେଟ ଦଳର ଅନ୍ୟତମ ଖେଳାଳି ରୋହିତ ଶର୍ମା ମଧ୍ୟ ଓ୍ବର୍ଲିରେ ରହୁଛନ୍ତି।