ଜୟପୁର, ୧୦।୬: ରାଜସ୍ଥାନର ଉପମୁଖ୍ୟମନ୍ତ୍ରୀ ସଚିନ ପାଇଲଟ ରବିବାର ସନ୍ଧ୍ୟାରେ ଜାଲୋର ଜିଲାର କାସେଲା ଗ୍ରାମ ପରିଦର୍ଶନରେ ପହଞ୍ଚିଥିଲେ। ସେଠାରେ ଜଣେ କୃଷକଙ୍କ କ୍ଷେତରେ ଥିବା ଝୁମ୍ପୁଡି ଘରେ ରାତି କଟାଇଥିଲେ ସଚିନ। ଝୁମ୍ପୁଡି ଘର ଚାରିପଡେ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା। ଖାଇବା ପିଇବା ବନ୍ଦୋବସ୍ତ ସହ ତାଙ୍କୁ ଶୋଇବା ପାଇଁ ଏକ ଛୋଟ ଖଟିଆ ଯୋଗାଇଦିଆଯାଇଥିଲା। ସେଠାରେ ସବୁଜ କ୍ଷେତ ଉପଭୋଗ କରିବା ସହ ପ୍ରାକୃତିକ ପବନର ମଜା ନେଇଥିଲେ ସଚିନ। ଏହାସହ ଗାଁ ଲୋକଙ୍କ ସହ ତଳେ ବସି ଚା’ ପିଇ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ।