ସୋସିଆଲ ମିଡିଆରେ କେତେବେଳେ କ’ଣ ଭାଇରାଲ ହେଉଛି ତାହା କହି ହେବ ନାହିଁ। ଏବେ ଏମିତି ଏକ କୁକୁର ଏବଂ ବିଲେଇ ଛୁଆର ଭିଡିଓ ଭାଇରାଲ ହେଉଛି, ଯାହା ଦେଖିଲେ ମନ ଖୁସିରେ ଭରି ଉଠିବ।
ସାଧାରଣତଃ କୁକୁରକୁ ଦେଖି ବିଲେଇ ଛୁଆ ଦୌଡ଼ି ପଳାଏ। ମାତ୍ର ଏହି ଭିଡିଓରେ ବିଲେଇ ଛୁଆକୁ ନିଜ ଛୁଆ ଭାବି ଗେଲ କରୁଛି କୁକୁର। ଦୁହିଁଙ୍କ ଅନାବିଳ ସ୍ନେହ ଦେଖିଲେ ଆପଣଙ୍କ ଚେହେରାରେ ବି ହସ ଫୁଟି ଉଠିବ। ଏକ କଳା ଏବଂ ଧଳା ରଙ୍ଗ ମିଶା କୁକୁର ବିଲେଇ ଛୁଆ ସହ ଖେଳିବା ସହ ତାକୁ ଗେଲ କରୁଛି। କୁକୁରକୁ ଦେଖିଲେ ଲାଗୁଛି ନିଜ ମା’ ଠାରୁ ବି ସେ ବିଲେଇଛୁଆକୁ ଅଧିକ ସ୍ନେହ କରୁଛି। କୌଣସି ପରିସ୍ଥିତିରେ ସେ ବିଲେଇ ଛୁଆ ପ୍ରତି ଆଘାତ ଲାଗିବାକୁ ଦେଉନାହିଁ। ଖୁସି ମନରେ ସେ ତା’ ସହ ଖେଳୁଛି।
ଭିଡିଓଟିକୁ ଲୋକେ ଖୁବ୍ ପସନ୍ଦ କରିଛନ୍ତି। ୨୮ ସେକେଣ୍ଡର ଏହି ଭିଡିଓଟି ସତେ ଯେମିତି ଲୋକଙ୍କ ମନ କିଣିନେଇଛି। ୟୁଜରମାନେ ଭିନ୍ନ ଭିନ୍ନ ପ୍ରତିକ୍ରିୟା ବି ଦେଇଛନ୍ତି।