ପୁରୁଷୋତ୍ତମପୁର,୭ା୪(ଡି.ଏନ.ଏ.)- ପୁରୁଷୋତ୍ତମପୁର ତହସିଲଦାର ଅରୁଣ କୁମାର ନାୟକ ଓ ଏନ୍ଏସି ନିର୍ବାହୀ ଅଧିକାରୀ ନାଗେଶ୍ୱର ରାଓଙ୍କ ତତ୍ତ୍ବାବଧାନରେ ମଙ୍ଗଳବାର ପୁରୁଷୋତ୍ତମପୁର ଅଗ୍ନିଶମ ବିଭାଗ ଅଧିକାରୀ ଉମାଚରଣ ଭଟ୍ଟମିଶ୍ରଙ୍କ ନେତୃତ୍ୱରେ ଦମକଳ ଗାଡି ମାଧ୍ୟମରେ ସହରକୁ ସମ୍ପୂର୍ଣ୍ଣ ବିଶୋଧନ କରାଯାଇଛି। ସହରର ରାସ୍ତା ଘାଟ, ସ୍ବାସ୍ଥ୍ୟକେନ୍ଦ୍ର, ବଜାରରେ କେମିକାଲ ମିଶା ଜଳ ସିଞ୍ଚନ କରାଯାଇଥିଲା। ଏହାସହ ଲୋକଙ୍କୁ ଏନ୍ଏସି ପକ୍ଷରୁ ମାସ୍କ, ଗ୍ଲୋବ୍ସ, ସାନିଟାଇଜର, ହ୍ୟାଣ୍ଡୱାସ୍ ବଣ୍ଟନ କରାଯାଇଛି। ଛତ୍ରପୁର ଉପ ଜିଲାପାଳ ପ୍ରିୟ ରଞ୍ଜନ ପୃଷ୍ଟି ଆସି ଏହାର ତଦାରଖ କରିଛନ୍ତି।