ଲଣ୍ଡନ,୧୭ା୫- ଗତ ବିଶ୍ୱକପ୍ ପରଠାରୁ ଦୁଇ ଥର ଦିନିକିଆ ଦଳଗତ ସ୍କୋର ରେକର୍ଡ ଭାଙ୍ଗି ସାରଛି। ଏବେ ଇଂଲଣ୍ଡ ଦଳ ନାମରେ ସର୍ବାଧିକ ଦଳଗତ ସ୍କୋର କରିବାର ରେକର୍ଡ ରହିଛି। ଗତ ବର୍ଷ ଜୁନ୍ରେ ଅଷ୍ଟ୍ରେଲିଆ ବିପକ୍ଷରେ ଇଂଲଣ୍ଡ ୬ ଉଇକେଟ ହରାଇ ୪୮୧ ରନ୍ କରିଥିଲା। ପୂର୍ବରୁ ପାକିସ୍ତାନ ବିପକ୍ଷରେ ଇଂଲଣ୍ଡ ୩ ଉଇକେଟ ହରାଇ ୪୪୪ ରନ୍ କରିିଥିଲା। ଉଭୟ ମ୍ୟାଚ୍ରେ ଇଂଲଣ୍ଡ ଆୟୋଜକ ଥିଲା। ଦୁଇ ମ୍ୟାଚ୍ ଯଥାକ୍ରମେ ନଟିଂହାମ ଓ ଟ୍ରେଣ୍ଟ ବ୍ରିଜରେ ଖେଳାଯାଇଥିଲା। ହାଇ ସ୍କୋରିଂ ଗ୍ରାଉଣ୍ଡ ନଟିହାମରେ ଭାରତ-ନ୍ୟୁଜିଲାଣ୍ଡ ମ୍ୟାଚ୍ ସମେତ ୫ଟି ମ୍ୟାଚ୍ ଖେଳାଯିବାର ଅଛି। ଏଣୁ ଦଳୀୟ ସ୍କୋର ୫୦୦ ଛୁଇଁବାର ସମ୍ଭାବନା ରହିଛି। ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ବିଶ୍ୱକପ୍ ଲାଗି ନୂଆ ସ୍କୋରକାର୍ଡ ଛପାଇବାକୁ ନିର୍ଦ୍ଦେଶ ଦେଇଛି। ଏହି ସ୍କୋର କାର୍ଡକୁ ପ୍ରଶଂସକ କିଣିବେ। ପୂର୍ବରୁ ବିଶ୍ୱକପ୍ରେ ଦଳୀୟ ସ୍କୋର ୪୦୦ ସ୍କୋର କାର୍ଡ କରାଯାଉଥିଲା। କିନ୍ତୁ ଟୁର୍ନାମେଣ୍ଟ ନିର୍ଦ୍ଦେଶକ ଷ୍ଟିଭ ଇଲଓ୍ବର୍ଥି ସ୍କୋରକାର୍ଡ ପୁନଃ ପ୍ରସ୍ତୁତ କରାଯିବା ଦରକାର ଏକ ବୈଠକରେ ଅନୁଭବ କରିଥିଲେ। ଏଥିରେ ଇସିବି ମୁଖ୍ୟ କାର୍ଯ୍ୟକାରୀ ଟମ୍ ହାରିସନ ମଧ୍ୟ ବିଶ୍ୱାସ ଦେଖାଇଛନ୍ତି। ଆମକୁ ପୁଣି ଥରେ ସ୍କୋର କାର୍ଡ ପ୍ରିଣ୍ଟ କରିବାକୁ ପଡ଼ିବ। କାରଣ ଏହି ଟୁର୍ନାମେଣ୍ଟରେ ଦଳୀୟ ସ୍କୋର ୫୦୦ ଛୁଇଁପାରେ ବୋଲି ହାରିସନ କହିଛନ୍ତି।