ଭାରତୀୟ କ୍ରିକେଟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ନିଜର ନିଆରା ଲୁକ୍ ପାଇଁ ପ୍ରସିଦ୍ଧ। କିମ୍ବଦନ୍ତୀ ଫୁଟବଲର ନିଏମାରଙ୍କୁ ଅନୁକରଣ କରୁଥିବା ପାଣ୍ଡ୍ୟା ତାଙ୍କ ଭଳି ହେୟାର୍ଷ୍ଟାଇଲ୍ ମଧ୍ୟ କରିଛନ୍ତି। ପାଣ୍ଡ୍ୟାଙ୍କ ଆଉ ଏକ ପସନ୍ଦ ହେଉଛି ହୀରା। ଯାହାର ଖୁଲାସା କରିଛନ୍ତି ସାଥୀ ଖେଳାଳି ୟୁଜବେନ୍ଦ୍ର ଚହଲ୍। ଚହଲ୍ ଟିଭିରେ ସାକ୍ଷାତକାର ନେବା ଅବସରରେ ପାଣ୍ଡ୍ୟା ହୀରା ଉପରେ ଥିବା ତାଙ୍କ ରୁଚି ବିଷୟରେ ଉଲ୍ଲେଖ କରିଛନ୍ତି। ବିଶ୍ୱକପ୍ ପୂର୍ବରୁ ସ୍ବତନ୍ତ୍ର ଭାବେ ଏକ ଲକେଟ୍ ପ୍ରସ୍ତୁତ କରିଛନ୍ତି। ଉକ୍ତ ଲକେଟରେ ବ୍ୟାଟ୍-ବଲ୍ ରହିଛି, ଯାହା ହୀରାରେ ପ୍ରସ୍ତୁତ ହୋଇଛି। ଯେପରି କାହା ନଜର ନ ପଡିବ ସେଥି ଲାଗି ବଲରେ କଳା ରଙ୍ଗ ଦିଆଯାଇଛି। ଏହାସହ ପାଣ୍ଡ୍ୟା ବ୍ୟବହାର କରୁଥିବା ମୁଦି, ଘଣ୍ଟା ମଧ୍ୟ ହୀରାର ବୋଲି ଜଣାପଡିଛି। ନିକଟରେ ବିଶ୍ୱକପ୍ ଖେଳିବା ପାଇଁ ଇଂଲଣ୍ଡରେ ଥିବା ପାଣ୍ଡ୍ୟା ଜବରଦସ୍ତ ଖେଳ ମଧ୍ୟ ପ୍ରଦର୍ଶନ କରିଛନ୍ତି।