ଲର୍ଡସ, ୧୪।୭: ଐତିହାସିକ ଲର୍ଡସରେ ରବିବାର ଅନୁଷ୍ଠିତ ବିଶ୍ୱକପ ଫାଇନାଲରେ ଆୟୋଜକ ଇଂଲଣ୍ଡ ସାମ୍ନାରେ ୨୪୨ରନ୍ର ବିଜୟ ଲକ୍ଷ୍ୟ ରଖିଛି ନ୍ୟୁଜିଲାଣ୍ଡ। ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ନ୍ୟୁଜିଲ୍ୟାଣ୍ଡ ନିର୍ଦ୍ଧାରିତ ୫୦ ଓଭରରେ ୮ ଉଇକେଟ ହରାଇ ୨୪୧ ରନ କରିବାକୁ ସକ୍ଷମ ହୋଇଛି। ନ୍ୟୁଜିଲାଣ୍ଡ ପକ୍ଷରୁ ହେନରୀ ନିକୋଲ୍ସ (୫୫) ଓ ଟମ ଲାଥାମ (୪୭)ଙ୍କ ଛାଡି ଦେଲେ ଆଉ କୌଣସି ବ୍ୟାଟ୍ସମ୍ୟାନ ଭଲ ପ୍ରଦର୍ଶନ କରିପାରି ନ ଥିଲେ। ଓପନର ମାର୍ଟିନ ଗପ୍ଟିଲ ପୁଣିଥରେ ନିରାଶ କରିଥିଲେ। ସେ ୧ଂ ରନ କରି କ୍ରିସ ଓକ୍ସଙ୍କ ବଲରେ ଏଲବିଡବ୍ଲ୍ୟୁ ହୋଇଥିଲେ। ଅଧିନାୟକ କେନ ୱିଲିୟମସନ ୩୦ ରନ କରି ଆଉଟ ହୋଇଥିଲେ। ଅଭିଜ୍ଞ ରସ ଟେଲର୍ ମାତ୍ର ୧୫ ରନ କରି ମାର୍କ ଉଡଙ୍କ ବଲରେ ଏଲବିଡବ୍ଲ୍ୟୁ ହୋଇଥିଲେ। ଇଂଲଣ୍ଡ ପକ୍ଷରୁ ପ୍ଲଙ୍କେଟ ଓ ଓକ୍ସ ୩ଟି ଲେଖାଁଏ ଉଇକେଟ ନେଇଥିବାବେଳେ ମାର୍କ ଉଡ ଓ ଜୋଫ୍ରା ଆଚର୍ର୍ ଗୋଟିଏ ଉଇକେଟ ହାସଲ କରିଥିଲେ।ସୂଚନାଯୋଗ୍ୟ, ଏହି ମ୍ୟାଚରେ ଯିଏ ଜିତିବ, ସେହି ଦଳ ପ୍ରଥମଥର ପାଇଁ ବିଶ୍ୱ ବିଜେତା ହେବ।