ଲାଞ୍ଜିଗଡ଼,୧୧।୯(ଡି.ଏନ.ଏ.)-କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ମୁଖ୍ୟାଳୟ ବିଶ୍ୱନାଥପୁର ବିଜୁ ଯୁବବାହିନୀ ପକ୍ଷରୁ ସବୁଜବାହିନୀରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବେ ଲାଞ୍ଜିଗଡ ବ୍ଲକ ଅଧ୍ୟକ୍ଷ ଇଂ. ଫକୀରମୋହନ ମାଝି, ସମ୍ମାନିତ ଅତିଥି ଭାବେ ଏବିଡିଓ ବିଶ୍ୱଭୂଷଣ ଶତପଥୀ, ବିଜୁ ଯୁବବାହିନୀ ଲାଞ୍ଜିଗଡ଼ ବ୍ଲକ ସଂଯୋଜକ ଜକସନ ସାହୁ ପ୍ରମୁଖ ଯୋଗଦେଇଥିଲେ । ବିଶ୍ୱନାଥପୁର ବିଜୁ ଯୁବ ବାହିନୀ ସମ୍ପାଦକ ଅଜିତ ପ୍ରଧାନୀ, ସଦସ୍ୟ ରାଧାମୋହନ ବେହେରା, ଧର୍ମେନ୍ଦ୍ର ସାହୁ, ଗୁଲୁ ପାତ୍ରଙ୍କ ନେତୃତ୍ୱରେ ବିଜୁ ଯୁବବାହିନୀର ସମସ୍ତ ସଦସ୍ୟ ବ୍ଲକ କାର୍ଯ୍ୟାଳୟ ପରିସରରେ ଚାରାରୋପଣ କରିଥିଲେ। ବିଜୁ ଯୁବବାହିନୀ ଦ୍ୱାରା ସବୁଜ ବାହିନୀ କାର୍ଯ୍ୟକ୍ରମରେ ଅନେକ ମୂଲ୍ୟବାନ ଚାରାରୋପଣ କରାଯାଇଛି। ଏହାକୁ ବିଭିନ୍ନ ମହଲରେ ସ୍ବାଗତ କରାଯାଇଛି ।
