ଚାକିରିକୁ ନେଇ ଆଜିକାଲି ବହୁ ସମସ୍ୟା। ଏମିତିରେ ବି ତ ଜାଣିଥିବେ ଗୋଟିଏ ଚାକିରି ପାଇଁ କେତେ ଲୋକଙ୍କ ଭିଡ଼ ଜମେ। ତଥାପି ମନ ମୁତାବକ ନ ମିଳିଲେ ଲୋକେ ଚାକିରି କରିବାକୁ ଅନିଚ୍ଛା ପ୍ରକାଶ କରନ୍ତି। କିନ୍ତୁ ଏମିତି ଗୋଟିଏ ଚାକିରି ଅଛି, ଯାହାକୁ ବିଶ୍ୱରେ ମାତ୍ର ୧୧୨ ଜଣ କରିଛନ୍ତି। ଏଥିରେ ଜଣେ ଭାରତୀୟ ବି ସାମିଲ ଅଛନ୍ତି। ତେବେ ଆସନ୍ତୁ ଜାଣିବା ଏ ସମ୍ପର୍କରେ…
ଏମିତି ଚାକିରି ଯାହାକି, ପାଣି କିମ୍ବା ମଦର ସ୍ବାଦ ଚାଖିବା ଚାକିରି। ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଏକ ରିପୋର୍ଟରୁ ପ୍ରକାଶ, ଭାରତରେ ଏହି ପ୍ରଫେଶନରେ ଜଣେ ମାତ୍ର ବ୍ୟକ୍ତି ଅଛନ୍ତି। ତାଙ୍କ ନାମ ଗଣେଶ ଆୟାର। ସେ କୁହନ୍ତି, କିଛିବର୍ଷ ହେଲା ଏହି ପ୍ରଫେଶନର ଡିମାଣ୍ଡ ବଢ଼ିଚାଲିଛି। ଯେତେବେଳେ ସେ ଲୋକଙ୍କୁ କୁହନ୍ତି, ତାଙ୍କର ପ୍ରଫେଶନ ହେଲା ପାଣିର ସ୍ବାଦ ଚାଖିବା, ଲୋକେ ହସରେ ଉଡ଼ାଇ ଦିଅନ୍ତି। କାରଣ ଆମ ଦେଶରେ ସଫା ପାଣିର ଏତେ ଅଭାବ। ଅସଲ କଥା ହେଲା ଗଣେଶ ଜଣେ ଓ୍ବାଟର ଟେଷ୍ଟର। ୨୦୧୦ ମସିହାରେ ତାଙ୍କୁ ଏନେଇ ପ୍ରମାଣପତ୍ର ବି ମିଳିଛି। ଏହା ପରେ ସେ ଜର୍ମାନୀର ଏକ ଇନ୍ଷ୍ଟିଚ୍ୟୁଟ୍ Doemens Academy in Graefelfingରେ କୋର୍ସ କରି ଚାକିରି କରିଛନ୍ତି।
