ଅହମଦାବାଦ,୧୮।୨: ପାଖେଇ ଆସୁଛି ସମୟ। ସଜେଇ ହେଲାଣି ଗୁଜରାଟର ଅହମଦାବାଦ ସହର। ସ୍ବାଗତ କରିବ ଆମେରିକାର ଫାଷ୍ଟ ଲେଡି ମେଲାନିଆ ଟ୍ରମ୍ପ ଓ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ। ଦୁଇ ଦିନିଆ ଭାରତ ଗସ୍ତରେ ଆସୁଥିବା ରାଷ୍ଟ୍ରପତି ଦମ୍ପତି ଫେବୃୟାରୀ ୨୪ରେ ଅହମଦାବାଦରେ ପହଞ୍ଚିବେ। ଏହାକୁ ନେଇ ସମସ୍ତେ ଉତ୍ସାହିତ ଅଛନ୍ତି। ଅହମଦାବାଦର ରାସ୍ତା କଡରେ ଏମାନଙ୍କ ସହ ପ୍ରଧାନମନ୍ତ୍ରୀ ମୋଦିଙ୍କ ପୋଷ୍ଟର ଦେଖିବାକୁ ମିଳିଲାଣି। ଏଥିରେ ଲେଖାଯାଇଛି ଦୁଇ ଦେଶର ଉଜ୍ୱଳ ଭବିଷ୍ୟତ ପାଇଁ ଏହା ଏକ ବଳିଷ୍ଠ ବନ୍ଧୁତ୍ୱ। ଆଉ ପୋଷ୍ଟରରେ କାର୍ଯ୍ୟକ୍ରମର ନାଁ ‘ନମସ୍ତେ ଟ୍ରମ୍ପ’ ବୋଲି ମଧ୍ୟ ଲେଖାଯାଇଛି।