କୁହାଯାଏ ଜଳ ବିନା ଜୀବନ ଅସମ୍ଭବ। ଗବେଷକଙ୍କ ମତରେ ଜଣେ ବ୍ୟକ୍ତି ଖାଦ୍ୟ ବିନା ପାଖାପାଖି ୪ ସପ୍ତାହ ବଞ୍ଚି ପାରିବ ହେଲେ ପାଣି ବିନା ୪ ଦିନ ବଞ୍ଚିବା କଷ୍ଟକର ପାଠ। ତେଣୁ ଜଳକୁ ଜୀବନ ବୋଲି କୁହାଯାଏ। ହେଲେ ଏମିତି ଏକ ପାଣି ବୋତଲ ଅଛି ଯାହାର ଦାମ୍ ଶୁଣିଲେ ଯେ କେହି ଆଶ୍ଚର୍ଯ୍ୟ ହେବା ସ୍ବାଭାବିକ କଥା। ହେଲେ ଏହା ସ୍ବାସ୍ଥ୍ୟ ପାଇଁ ବେଶ୍ ଲାଭଦାୟକ ହୋଇଥିବାରୁ କେତେଜଣ ଧନି ବ୍ୟକ୍ତି ଏହି ପାଣି ବୋତଲକୁ କ୍ରୟ କରନ୍ତି ବୋଲି କୁହାଯାଏ। ଏହି ପାଣି ବୋତଲର ଦାମ ୬୦ ହଜାର ଆମେରିକୀୟ ଡଲାର ବା ଭାରତୀୟ ମୁଦ୍ରାରେ ଏହା ପାଖାପାଖି ୪୫ ଲକ୍ଷ ଟଙ୍କା ହେବ ବୋଲି କୁହାଯାଏ। ଏହା ଫ୍ରାନ୍ସ ଓ ଫିଜିର ଓ୍ବାଟର ସ୍ପ୍ରିଙ୍ଗରୁ ବାହାର କରାଯାଏ। ଏହି ପାଣି ବୋତଲକୁ ପାଉଲୋ ଡି ବିରାଜି ତିଆରି କରିଛନ୍ତି। ଏହି ପାଣିରେ ୨୫ ଗ୍ରାମ ସୁନାର ସ୍ବର୍ଣ୍ଣଭଷ୍ମ ମିଶ୍ରଣ କରାଯାଇଥାଏ। ବୋତଲକୁ ୨୪ କ୍ୟାରେଟ ସୁନାରେ ସଜା ଯାଇଥାଏ। ଏଥିରେ ଆହୁରି ମଧ୍ୟ ହୀରା, ପ୍ଲାଟିନମ ଓ ଚାନ୍ଦି ବ୍ୟବହାର କରାଯାଇଥାଏ। ଏହି ପାଣି ପ୍ରସ୍ତୁତ କରୁଥିବା କମ୍ପାନୀକୁ ବହୁ ଦୂର ଯାତ୍ରା କରିବାକୁ ପଡିଥାଏ ଓ ସବୁଠାରୁ ସୁଦ୍ଧ ଓ ସଫା ପାଣି ଦେବାକୁ ପଡିଥାଏ। ସେଥିପାଇଁ ଏହି ପାଣି ବୋତଲର ଦାମ୍ ଏତେ ଅଧିକ ବୋଲି କୁହାଯାଏ। ଏବେ ଅବଶ୍ୟ ଏହାକୁ ପ୍ରସ୍ତୁତ କରିବାକୁ କମ୍ପାନୀକୁ ଏତେ ଖର୍ଚ୍ଚ କରିବାକୁ ପଡୁନାହିଁ କାରଣ ଏହାସାଙ୍ଗେ କମ୍ପାନୀ ଅଧିକ ବୋତଲ ତିଆରି କରୁଥିବାରୁ ଖର୍ଚ୍ଚ କମ୍ ହେଉଛି। ତେବେ ଏହି ପାଣି ପିଇଲେ ଶରୀର ସୁସ୍ଥ ରହିବା ସହ ବ୍ୟକ୍ତି ଚାପମୁକ୍ତ ହୋଇଥାଏ। ଏହାଦ୍ୱାରା ଶାରୀରରେ ଜମା ହେଉଥିବା ଚର୍ବି ମଧ୍ୟ କମ୍ ହୋଇଥାଏ ବୋଲି କୁହାଯାଏ।
