ଟାଇଟନିକ୍ ଜାହାଜ ସମ୍ପର୍କରେ ତ ଜାଣିଥିବେ ନିଶ୍ଚିତ। ମାତ୍ର ଆଜିର ସମୟରେ ‘ସିମ୍ଫୋନୀ ଅଫ୍ ଦ ସିଜ୍’ହେଉଛି ବିଶ୍ୱର ସବୁଠୁ ବଡ଼ ଜାହାଜ। ଏକ ରିପୋର୍ଟ ଅନୁସାରେ, ଏହି ଜାହାଜର ଦାମ୍ ୮୭୧୧ କୋଟି। ଏହା ଭିତରେ ରହିଛି ସମସ୍ତ ସୁବିଧା। ଯାହା ସମ୍ପର୍କରେ ଜାଣିଲେ ଖୁସି ହେବେ।
୨ ଲକ୍ଷ ୩୦ ହଜାର ଟନ୍ ଓଜନ ଏହି ଜାହାଜର ଚଉଡ଼ା ୨୧୫.୫ ଫୁଟ ଏବଂ ଲମ୍ବ ୧୧୮୮ ଫୁଟ। ଏହା ପ୍ରତି ଘଣ୍ଟାରେ ୪୦.୭୪ କିମି ବେଗରେ ଗତି କରିଥାଏ। ଏହି ଜାହାଜ ଉପରେ ପିଲାଙ୍କ ପାଇଁ ରହିଛି ଓ୍ବାର୍ଟର ପାର୍କ। ଏହା ବ୍ୟତୀତ ୧୦ ମହଲା ବିଶିଷ୍ଟ ସ୍ଲାଇଡି୍ଂ ବି ପ୍ରସ୍ତୁତ କରାଯାଇଛି।
ଜାହାଜ ମଝିରେ ସେଣ୍ଟ୍ରାଲ ପାର୍କ ରହିଛି। ଗୋଟିଏ ପଟରୁ ଆଉ ଅନ୍ୟ ପଟକୁ ଯିବା ପାଇଁ ବୋର୍ଡବ୍ୟାଙ୍କ ନିର୍ମାଣ ବି କରାଯାଇଛି। ଏହି ଜାହାଜରେ ୬,୭୮୦ ଯାତ୍ରୀ ଯିବା ପାଇଁ ବ୍ୟବସ୍ଥା ରହିଛି। ଏଥିରେ ସ୍ପା, ଜିମ୍ ଏବଂ ମନୋରଞ୍ଜନ ପାଇଁ ଥିଏଟର ଅଛି। ଏହି ଜାହାଜରେ ୨୪ଟି ଲିଫ୍ଟ ଥିବା ବେଳେ ୨,୭୫୯ଟି କ୍ୟାମେରା ଲାଗିଛି।