ଭୁବନେଶ୍ୱର,୮।୫(ବ୍ୟୁରୋ): ଶୁକ୍ରବାର ଅପରାହ୍ନ ୨ଟା ସୁଦ୍ଧା ବିଶ୍ୱରେ ୨୧୨ ଦେଶ, ୨ ଜାହାଜ କରୋନା ସଂକ୍ରମିତ ହୋଇଛନ୍ତି। ସେହିଭଳି ୩୮ ଲକ୍ଷ ୩୬ହଜାର ୭୧୪ ଜଣ ବ୍ୟକ୍ତି କରୋନା ଚିହ୍ନଟ ହୋଇଥିବା ବେଳେ ଶୁକ୍ରବାର ଏହି ସଂଖ୍ୟା ୩୯ ଲକ୍ଷ ୩୨ ହଜାର ୬୭୨ରେ ପହଞ୍ଚିଛି। ମୃତକଙ୍କ ସଂଖ୍ୟା ୨ ଲକ୍ଷ ୬୫ହଜାର ୩୬୬ରେ ଥିବା ବେଳେ ଏବେ ଏହା ୨ ଲକ୍ଷ ୭୧ ହଜାର ୨୯ରେ ପହଞ୍ଚିଛି। ସେହିଭଳି ଭାରତରେ ୧୪ ଲକ୍ଷ ୩୭ହଜାର ୭୮୮ଟି ପରୀକ୍ଷା ହୋଇଛି। ସେଥିରୁ ୫୬୩୪୨ଟି ନମୂନା ପଜିଟିଭ ବାହାରିଛି। ୧୬ହଜାର ୫୩୯ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ୧୮୮୬ଜଣଙ୍କ ମୃତ୍ୟୁ ଘଟିଛି। ୩୭୯୧୬ଟି ଆକ୍ଟିଭ କେସ୍ ରହିଛି। ଓଡ଼ିଶାରେ ୫୨୯୭୪ଟି ନମୂନା ପରୀକ୍ଷଣ କରାଯାଇଛି। ୨୪୬ଜଣ ପଜିଟିଭ୍ ବାହାରିଛନ୍ତି। ୨ଜଣଙ୍କ ମୃତ୍ୟୁ ଘଟିଥିବା ବେଳେ ୬୩ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଅବଶିଷ୍ଟ ୧୮୧ଜଣ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ସଂକ୍ରମିତ ଜିଲା ଯାଜପୁର, ଖୋର୍ଦ୍ଧା, ଗଞ୍ଜାମ, ବାଲେଶ୍ୱର ଶୀର୍ଷରେ ରହିଛନ୍ତି ବୋଲି ଗୀତଗୋବିନ୍ଦ ସଦନରେ ଆୟୋଜିତ ଖବରଦାତା ସମ୍ମିଳନୀରେ କରୋନା ମୁକାବିଲା କମିଟି ମୁଖ୍ୟ ତଥା ରାଜ୍ୟ ସରକାରଙ୍କ ପ୍ରମୁଖ ମୁଖପାତ୍ର ସୁବ୍ରତୋ ବାଗ୍ଚୀ ସୂଚନା ଦେଇ କହିଛନ୍ତି।