ସାରା ବିଶ୍ୱରେ ପ୍ରଶଂସିତ ବ୍ୟକ୍ତିତ୍ୱଙ୍କ ତାଲିକା ପ୍ରକାଶ କରୁଥିବା ସଂସ୍ଥା ‘ୟୁଗଭ୍’ ଚଳିତବର୍ଷ ମଧ୍ୟ ପ୍ରଶଂସିତ ବ୍ୟକ୍ତିଙ୍କ ତାଲିକା ପ୍ରକାଶ କରିଛି। ଏହି ତାଲିକାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ବଲିଉଡ୍ ମହାନାୟକ ଅମିତାଭ ବଚ୍ଚନ, ଶାହାରୁଖ୍ ଖାନ୍, ସଲମାନ୍ ଖାନ୍, ଦୀପିକା ପାଦୁକୋନ, ଐଶ୍ୱର୍ଯ୍ୟା ରାୟ ବଚ୍ଚନ ପ୍ରମୁଖଙ୍କ ନାମ ରହିଛି। ଅନ୍ଲାଇନ୍ ଭୋଟିଂ ଆଧାରରେ ଏହି ତାଲିକା ଜାରି କରାଯାଇଛି। ବଲିଉଡ୍ କଳାକାର ତାଲିକାରେ ସବୁଠାରୁ ଆଗରେ ଅର୍ଥାତ୍ ଦ୍ୱାଦଶ ସ୍ଥାନରେ ରହିଛନ୍ତି ଅମିତାଭ ବଚ୍ଚନ। ଶାହାରୁଖ୍ ତାଲିକାର ୧୬ ଏବଂ ସଲମାନ୍ ୧୮ତମ ସ୍ଥାନରେ ରହିଛନ୍ତି। ସେହିପରି ଅଭିନେତ୍ରୀ ତାଲିକାରେ ଦୀପିକା ପାଦୁକୋନ ସବୁଠାରୁ ଆଗରେ ୧୩ତମ ସ୍ଥାନରେ ରହିଥିବା ବେଳେ ୧୪ତମ ସ୍ଥାନରେ ରହିଛନ୍ତି ପ୍ରିୟଙ୍କା ଚୋପ୍ରା। ଐଶ୍ୱର୍ଯ୍ୟାଙ୍କ ସ୍ଥାନ ୧୬ରେ ଥିବାବେଳେ ସୁସ୍ମିତା ସେନ୍ ୧୭ତମ ସ୍ଥାନରେ ରହିଛନ୍ତି।