ଦୋହା, ୨୯।୯(ପି.ଟି.)- ବିଶ୍ୱ ଚାମ୍ପିୟଶିପ୍ର ଦ୍ୱିତୀୟ ଦିନରେ ମିକ୍ସଡ ୪ ଗୁଣା ୪୦୦ ରିଲେ ଦଳ ଭାରତୀୟ ଶିବିରରେ ଖୁସି ଆଣିଦେଇଛନ୍ତି। ଭାରତୀୟ ମିକ୍ସଡ ରିଲେ ଦଳ ଫାଇନାଲରେ ପ୍ରବେଶ କରିଛି। ଏଥିସହିତ ଏହି ଦଳ ୨୦୨୦ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛି। ମହମ୍ମଦ ଆନସ, ଭି.କେ. ବିସ୍ମୟ, ଜିସ୍ନା ମାଥ୍ୟୁ ଓ ଟମ୍ ନିର୍ମଳଙ୍କୁ ନେଇ ଗଠିତ ଭାରତୀୟ ଦଳ ଶନିବାର ଅନୁଷ୍ଠିତ ସେମିଫାଇନାଲରେ ହିଟ୍ ନମ୍ବର ୨ରେ ୩ ମିନିଟ ୧୬.୧୪ ସେକେଣ୍ଡ ସମୟ ନେଇ ତୃତୀୟ ସ୍ଥାନରେ ରହିଥିଲା। ଏଥି ସହିତ ଏହି ଦଳ ଆସନ୍ତାବର୍ଷ ଟୋକିଓ ଆୟୋଜନ ହେବାକୁଥିବା ଅଲିମ୍ପିକ୍ସ ପାଇଁ ଟିକେଟ ହାସଲ କରିଛି। ଦୁଇଟି ହିଟ୍ର ଶ୍ରେଷ୍ଠ ୩ଟି ଦଳ ଓ ପରବର୍ତ୍ତୀ ଦୁଇଟି ଦ୍ରୁତତମ ଦଳ ଫାଇନାଲ ପାଇଁ ଯୋଗ୍ୟତା ହାସଲ କରିଛନ୍ତି। ରବିବାର ଫାଇନାଲ ଖେଳାଯିବ। ଏହି ରିଲେ ରେସ୍ରେ ଫାଇନାଲରେ ପ୍ରବେଶ କରିଥିବା ଶ୍ରେଷ୍ଠ ୮ଟି ଦଳ ସିଧାସଳଖ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛନ୍ତି।