ବିଶ୍ୱ ପରିବେଶ ଦିବସରେ ସମସ୍ତଙ୍କୁ ଚାରା ଲଗାଇବାକୁ କହିଲେ ମୋଦି
10:00 amJune 5, 2019 / 21

ନୂଆଦିଲ୍ଲୀ,୫।୬: ଭବିଷ୍ୟତରେ ପରିବେଶକୁ ସୁସ୍ଥ ଓ ସୁନ୍ଦର ରଖିବା ପାଇଁ ସମସ୍ତେ ଅଧିକରୁ ଅଧିକ ଚାରା ଲଗାଇବାକୁ ବିଶ୍ୱ ପରିବେଶ ଦିବସରେ ଆହ୍ବାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହା ଫଳରେ ପରିବେଶ ସ୍ବଚ୍ଛ ଓ ସବୁଜ ରହିବ ବୋଲି ସେ କହିଛନ୍ତି। ଟୁଇଟରରେ ଏକ ଭିଡିଓ ପୋଷ୍ଟ କରି ମୋଦି କହିଛନ୍ତି, ଆମେ ଏମିତି ପରିବେଶରେ ଜନ୍ମ ନେଇଛେ ଯେଉଁଠି ପ୍ରକୃତି ଆମକୁ ଭଗବାନ ଭଳି ବ୍ୟବହାର କରୁଛନ୍ତି। ତେଣୁ ଗୋଟିଏ ନୁହେଁ ଅଧିକରୁ ଅଧିକ ଚାରା ଲଗାଇବାକୁ ସେ ପରାମର୍ଶ ଦେଇଛନ୍ତି। ଆଗକୁ ବର୍ଷା ଦିନ ଆସୁଥିବାରୁ କେବଳ ଚାରା ଲଗାଇଦେଲେ ହେବନି ଏହାର ଯତ୍ନ ମଧ୍ୟ ନେବା ଦରକାର ବୋଲି ସେ କହିଛନ୍ତି।