ଭୁବନେଶ୍ୱର,୧୦।୧୧(ସ୍ପୋଟର୍ସ ବ୍ୟୁରୋ)- ଦୁବାଇରେ ଚାଲିଥିବା ବିଶ୍ୱ ପାରାଆଥଲେଟିକ୍ ଚାମ୍ପିୟନଶିପ୍ରେ ଓଡ଼ିଶାର ଜୟନ୍ତୀ ବେହେରା ଟି-୪୭ ବର୍ଗରେ ଭାରତ ପାଇଁ ପ୍ରତିନିଧିତ୍ୱ କରୁଛନ୍ତି। ଶନିବାର ସେ ୪୦୦ମିଟର ଦୌଡ଼ରେ ହିଟ୍ରେ ୧:୦୧: ୦୬ ସେକେଣ୍ଡ ସମୟ ନେଇ ଚତୁର୍ଥ ସ୍ଥାନରେ ରହିବା ସହ ଫାଇନାଲରେ ପ୍ରବେଶ କରିଛନ୍ତି। ରବିବାର ଭାରତୀୟ ସମୟ ରାତି ୯.୩୦ରେ ୪୦୦ମିଟର ଦୌଡ଼ରେ ଫାଇନାଲ ଆୟୋଜନ ହେବ। ବିଶ୍ୱ ଆଥଲେଟିକ୍ ଚାମ୍ପିୟନଶିପ୍ ଗତ ୭ ତାରିଖରୁ ଆରମ୍ଭ ହୋଇଛି ଓ ଏହା ୧୫ ତାରିଖ ପର୍ଯ୍ୟନ୍ତ ଚାଲିବ।