ବଇଣ୍ଡା, ୬।୪(ଡି.ଏନ.ଏ.)- ଅନୁଗୋଳ ଜିଲା ପ୍ରଶାସନ ପକ୍ଷରୁ ବଣିନାଳୀ ବିଶ୍ୱ ଯୁବକେନ୍ଦ୍ର ସହାୟତାରେ କିଶୋରନଗର ବ୍ଲକର ବିଭିନ୍ନ ସ୍ଥାନରେ କରୋନା ସଂକ୍ରମଣ ରୋକିବା ପାଇଁ ଲୋକଙ୍କୁ ସଚେତନ କରାଯାଉଛି। ଯୁବକେନ୍ଦ୍ରର ସଦସ୍ୟମାନେ ହଣ୍ଡପା, କଟରଙ୍ଗା, ବିଲେଇନାଳୀ, ଗାଁବଇଣ୍ଡା, ଜାମ୍ବୁନାଳୀ, ନୁନୁକାପଶି, କଣ୍ଟେଇକୁଳିଆ, ଲୁହାମୁଣ୍ଡା ଆଦି ପଞ୍ଚାୟତର ୩୦ଟି ଗ୍ରାମର ଲୋକଙ୍କ ମଧ୍ୟରେ ସଚେତନତା ବାଣ୍ଟୁଛନ୍ତି। ସୋମବାର ସୋଲଣ୍ଡା ବଡହୁଲା, ଗାଁ ବଇଣ୍ଡା, ଧୁଣ୍ଡି ଓ ପାର୍ବତୀପୁର ଗ୍ରାମକୁ ଯାଇ ଯୁବକେନ୍ଦ୍ରର ସଦସ୍ୟମାନେ ଲୋକଙ୍କୁ ସଫାସୁତୁରା ରହିବା, ସାବୁନରେ ହାତ ଧୋଇବା, ସାମାଜିକ ଦୂରତା ବଜାୟ ରଖିବା ସହ ସରକାରଙ୍କ ସମସ୍ତ କଟକଣା ମାନିବାକୁ ପରାମର୍ଶ ଦେଇଛନ୍ତି। ବିଶ୍ୱ ଯୁବକେନ୍ଦ୍ରର ସଦସ୍ୟ ଅଭିଷେକ ମହାପାତ୍ର, ଅଙ୍କିତ ମହାପାତ୍ର, ଅଭିନାଶ ରଥ, ପରମାନନ୍ଦ ମିଶ୍ର ଏଥିରେ ସାମିଲ ହୋଇଥିଲେ। ଯୁବକେନ୍ଦ୍ରର ନିର୍ଦ୍ଦେଶକ ମନୋଜ କୁମାର ମହାପାତ୍ର କାର୍ଯ୍ୟକ୍ରମ ତଦାରଖ କରୁଛନ୍ତି।
