ନୂଆଦିଲ୍ଲୀ,୧୬।୮: ଆଫଗାନିସ୍ତାନରେ ତାଲିବାନ ଶାସନ ଆରମ୍ଭ ହୋଇଛି। ରାଷ୍ଟ୍ରପତି ଭବନରେ ତାଲିବାନ ପତାକା ଉତ୍ତୋଳନ କରିବା ପରେ ରାଷ୍ଟ୍ରପତି ଅଶରଫ ଘନି ତାଙ୍କ ଇସ୍ତଫା ଘୋଷଣା କରି ଦେଶ ଛାଡିଛନ୍ତି। ଆଫଗାନିସ୍ତାନ ଲୋକଙ୍କ ମଧ୍ୟରେ ଭୟର ବାତାବରଣ ରହିଛି। ବହୁ ସଂଖ୍ୟକ ଲୋକ ଦେଶ ଛାଡି ଯାଉଛନ୍ତି। ନିକଟରେ ଆଫଗାନିସ୍ତାନ ତାରକା କ୍ରିକେଟର ରସିଦ ଖାନ ବିଶ୍ୱ ନେତାମାନଙ୍କୁ ନିବେଦନ କରିଥିଲେ ଯେ ସେମାନଙ୍କୁ ମରିବାକୁ ଛାଡିଦିଅନ୍ତୁ ନାହିଁ। ଗତ କିଛି ବର୍ଷ ମଧ୍ୟରେ ଆଫଗାନିସ୍ତାନରେ କ୍ରିକେଟର ବିକାଶ ହୋଇଛି। ଦେଶର ଖେଲାଳିମାନେ ଅନ୍ତର୍ଜାତୀୟ କ୍ରିକେଟରେ ରାଜ୍ କରିବା ସହିତ ଆଇପିଏଲ ପରି ବଡ ଲିଗରେ ମଧ୍ୟ ନିଜ ଚମତ୍କାର ଦେଖାଇଥିଲେ। କିନ୍ତୁ ଏବେ ରସିଦ ଖାନ, ମହମ୍ମଦ ନବୀଙ୍କ ପରି ଆଫଗାନିସ୍ତାନ କ୍ରିକେଟରଙ୍କ ପାଇଁ ବିସିସିଆଇ ଟିକେ ଚିନ୍ତିତ ରହିଛି।
ଆଇପିଏଲ ୨୦୨୧ର ଦ୍ୱିତୀୟ ସିଜନ ଆସନ୍ତା ମାସରେ ୟୁଏଇରେ ଖେଳାଯିବ ଏବଂ ଦ୍ୱିତୀୟ ସିଜନରେ ଆଫଗାନିସ୍ତାନ କ୍ରିକେଟରଙ୍କ ଅଂଶଗ୍ରହଣ ଉପରେ ଏକ ପ୍ରଶ୍ନ ଚିହ୍ନ ରହିଛି। ଯଦିଓ ରସିଦ ଏବଂ ନବୀ ଏହି ସମୟରେ ଆଫଗାନିସ୍ତାନରେ ନାହାଁନ୍ତି। ସେ ଇଂଲଣ୍ଡର ହଣ୍ଡ୍ରେଣ୍ଡ ଲିଗରେ ଖେଳୁଛନ୍ତି। ରସିଦ ଟ୍ରେଣ୍ଟ ରକେଟର ପ୍ରତିନିଧିତ୍ୱ କରୁଥିବାବେଳେ ନବୀ ଲଣ୍ଡନ ସ୍ପିରିଟ ପାଇଁ ଖେଳୁଛନ୍ତି। ବିସିସିଆଇ ଏହି ପ୍ରସଙ୍ଗରେ ନଜର ରଖିଛି ଏବଂ ଆଶା କରୁଛି ଯେ ଆଫଗାନିସ୍ତାନ କ୍ରିକେଟରମାନେ ଆଇପିଏଲରେ ଭାଗ ନେବେ।
