ଡାବୁଗାଁ,୬।୧(ଡି.ଏନ୍.ଏ.): ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦର ମହକୁମାସ୍ଥିତ ଡାବୁଗାଁ ବିହନ ନିରଳୀକରଣ କାରଖାନାକୁ ଓଡ଼ିଶା ରାଜ୍ୟ ବିହନ ନିଗମର ଅଧ୍ୟକ୍ଷ ଇଂ ଈଶ୍ୱର ଚନ୍ଦ୍ର ପାଣିଗ୍ରାହୀ ସୋମବାର ଗସ୍ତ କରିଛନ୍ତି । ଅଧ୍ୟକ୍ଷ ନିଗମର କାରଖାନା ବୁଲି ଦେଖିବା ସହ ନବରଙ୍ଗପୁର ଜିଲାରେ ଥିବା ନିଗମର ପଞ୍ଜୀକୃତ ଚାଷୀ ଓ ବିକ୍ରେତାମାନଙ୍କ ସହ ଆଲୋଚନା କରିଥିଲେ। କିପରି ବିହନ ବିକ୍ରି ବୃଦ୍ଧି, ଚାଷୀଙ୍କ ଉତ୍ପାଦନ ବୃଦ୍ଧି ହେବ ଓ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ଏଥିରେ ଓଡ଼ିଶା ରାଜ୍ୟ ବିହନ ନିଗମର ଜୟପୁର ଶାଖା ଜୋନାଲ ପରିଚାଳକ ଶିତିକଣ୍ଠ ଦାସ, ହିସାବ ରକ୍ଷକ ବିଜୟ କୁମାର ଜେନା, ଚାଷୀ ସୁରେନ୍ଦ୍ର କୁମାର ମିଶ୍ର, ବାବି ଜେନା, ଅବଦୁଲ ଜିଲାନୀ, ପ୍ରଶାନ୍ତ ପାଣିଗ୍ରାହୀ, ଏସ୍. ରବି ପ୍ରସାଦ, ସନ୍ତୋଷ କୁମାର ବେହେରା, ଡି. ରାଜା, ବି. ଆନନ୍ଦ ରାଓ, ଜି. ବିନୋଦ କୁମାର ଓ କର୍ମଚାରୀ ନିରଞ୍ଜନ ଭୂୟାଁ, ଅରୁଣ କୁମାର ପଣ୍ଡା, ଚନ୍ଦ୍ରଶେଖର ସାହୁ ଏବଂ ଜିଲାର ବିଭିନ୍ନ ବ୍ଲକରୁ ଚାଷୀ ଓ ବିକ୍ରେତାମାନେ ଉପସ୍ଥିତ ଥିଲେ।