ପାଟନା,୧୬।୭: ବିହାରରେ ବିନ୍ୟା ବିତ୍ପାତ ଦେଖିବାକୁ ମିଳିଛି। ବନ୍ୟା ଯୋଗୁ ରାଜ୍ୟରେ ୨୯ ଜଣଙ୍କ ମୃତ୍ୟୁ ଘଟିଥିବାବେଳେ ୧୨ ଲକ୍ଷରୁ ଊର୍ଦ୍ଧ୍ୱ ଲୋକ ପ୍ରଭାବିତ ହୋଇଥିବା ସୂଚନା ମିଳିଛି। ମୁଖ୍ୟମନ୍ତ୍ରୀ ନୀତିଶ କୁମାର ଉଚ୍ଚସ୍ତରୀୟ ବୈଠକ ଡକାଇ ବନ୍ୟାରେ ଫଶିଥିବା ଲୋକଙ୍କୁ ଉଦ୍ଧାର ସହ ରିଲିଫ ଯୋଗାଇଦେବାକୁ ନିର୍ଦ୍ଦେଶ ଦେଇଛନ୍ତି। ଏସବୁ ସତ୍ତ୍ୱେ ବନ୍ୟାଞ୍ଚଳ ଲୋକେ ରିଲିଫ ନ ପାଇ ଭୋକ ବିକଳରେ ମୂଷା ମାରି ଖାଉଛନ୍ତି। ଏବେ ବି ୨୦୦ରୁ ୩୦୦ ପରିବାର ବନ୍ୟା ପାଣିରେ ଫଶି ରହିଛନ୍ତି। ଲକ୍ଷ ଲକ୍ଷ ଲୋକ ବାସହରା ହୋଇପଡିଛନ୍ତି। ଅରରିଆ, କିଶନଗଞ୍ଜ, ସୁପୌଲ, ଦରଭଙ୍ଗା, ଶବହର, ସୀତାମଢୀ ମଧୁବନୀ ଜିଲା ଅଧିକ ବନ୍ୟା କ୍ଷତିଗ୍ରସ୍ତ ହୋଇଛି।
