ନୂଆଦିଲ୍ଲୀ,୨୯।୬(ପିଟି)- ଭାରତୀୟ ଖେଳାଳି ବୀର ଛୋଟ୍ରାନି ସାଥି ଖେଳାଳି ଯଶ ଫାଡତେଙ୍କୁ ହରାଇ ୧୯ ବର୍ଷରୁ କମ୍ ଏସିଆନ୍ ଜୁନିୟର ସ୍କ୍ବାଶ ଚାମ୍ପିୟନଶିପ୍ ଟାଇଟଲ ଜିତିଛନ୍ତି। ବୀର ୧୧-୫, ୯-୧୧, ୧୧-୭, ୯-୧୧, ୧୧-୭ ଗେମ୍ରେ ଫାଡତେଙ୍କୁ ପରାସ୍ତ କରିଥିଲେ। ଏହି ସଫଳତା ପାଇବାରେ ସେ ୩ୟ ଭାରତୀୟ ଖେଳାଳି। ତାଙ୍କ ପୂର୍ବରୁ ରବି ଦିକ୍ସିତ ଓ ଭେଲା ସେନ୍ଥିଲକୁମାର ଏସିଆନ ଜୁନିୟର ସ୍କ୍ବାଶ ଟାଇଟଲ ଜିତିଥିଲେ। ଏହି ପ୍ରତିଯୋଗିତାରେ ଗୋଟିଏ ସ୍ବର୍ଣ୍ଣ, ୩ ରୌପ୍ୟ ଓ ୩ ବ୍ରୋଞ୍ଜ ସହ ମୋଟ ୭ ପଦକ ସହ ଭାରତ ଅଭିଯାନ ଶେଷ କରିଛି।