ସୁନ୍ଦରଗଡ଼,୨୪ା୧୦(ଡି.ଏନ.ଏ.)-ଗତ ଜୁନ୍ ମାସରେ ସୁନ୍ଦରଗଡ଼ ଜିଲା ବୀରମିତ୍ରପୁର ଥାନାରେ ଘଟିଥିବା ନାବାଳିକା ବଳାତ୍କାର ଓ ଗର୍ଭପାତ ଘଟଣା ନୂଆ ମୋଡ଼ ନେଇଛି ା ଏହି ଘଟଣା ପରେ ବଳାତ୍କାରର ଶିକାର ହୋଇଥିବା ନାବାଳିକାଙ୍କୁ ସୁରକ୍ଷା ଦୃଷ୍ଟିରୁ ଗତ ଜୁଲାଇ ୧୧ରେ ରାଉରକେଲା ଛେଣ୍ଡସ୍ଥିତ ଶିଶୁ ଯତ୍ନକାରୀ ଅନୁଷ୍ଠାନରେ ରଖାଯାଇଥିଲା ା ଗତ ଶୁକ୍ରବାର ସନ୍ଧ୍ୟା ପ୍ରାୟ ସାଢ଼େ ୭ଟା ବେଳେ ସେ ସେଠାରୁ ପାଚେରି ଡେଇଁ ଫେରାର୍ ହୋଇଯାଇଛନ୍ତି। ଏହା ଜଣାପଡିବା ପରେ ଅନୁଷ୍ଠାନ ପକ୍ଷରୁ ଶିଶୁ ସୁରକ୍ଷା ସମିତିକୁ ଅବଗତ କରାଯାଇଥିଲା ା ପରେ ଏ ସଂକ୍ରାନ୍ତରେ ଛେଣ୍ଡ ଥାନାରେ ଅଭିଯୋଗ କରାଯାଇଛି ା ପୋଲିସ ପକ୍ଷରୁ ତନାଘନା ଆରମ୍ଭ ହୋଇଛି ା ଏପରି କି ଚାଇଲ୍ଡ ଲାଇନ ଓ ରେଲଓ୍ବେ ଚାଇଲ୍ଡ ଲାଇନକୁ ଏ ସଂକ୍ରାନ୍ତରେ ସୂଚନା ଦିଆଯାଇଛି ା ପୀଡିତା ନାବାଳିକାଙ୍କୁ ଉଦ୍ଧାର ପାଇଁ ବିଭିନ୍ନ ଦିଗରୁ ଉଦ୍ୟମ ଚାଲିଥିବା ଜିଲା ଶିଶୁ ସୁରକ୍ଷା ଅଧିକାରୀ ଶ୍ରୀବତ୍ସ ଜେନା କହିଛନ୍ତି। ସୂଚନା ଅନୁଯାୟୀ ନାବାଳିକାଙ୍କୁ ରଖାଯାଇଥିବା ଅନୁଷ୍ଠାନରେ ସୁରକ୍ଷା ବ୍ୟବସ୍ଥା କଡ଼ାକଡି ଥିଲା ା ୩ ଜଣ ସୁରକ୍ଷା କର୍ମୀ ସେଠାରେ ମୁତୟନ କରାଯାଇଥିଲା ା ସବୁଠି ସିସିଟିଭି କ୍ୟାମେରା ଲଗାଯାଇଥିଲା ା ଏହାପରେ ବି ନାବାଳିକା ଜଣକ ପଛ ପାଚେରି ଡେଇଁ ଫେରାର ହୋଇଯିବା ଘଟଣା ବିବାଦ ସୃଷ୍ଟି କରିଛି ା