ନୂଆଦିଲ୍ଲୀ,୨୦।୪: ରାଷ୍ଟ୍ରାୟତ୍ତ ଏୟାର ଇଣ୍ଡିଆ ପକ୍ଷରୁ ବର୍ତ୍ତମାନ ଅନିର୍ଦ୍ଦିଷ୍ଟ ସମୟ ଲାଗି ବୁକିଂ ବନ୍ଦ କରାଯାଇଛି। ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀଙ୍କ ପରାମର୍ଶ ପରେ କମ୍ପାନୀ ବୁକିଂ ବନ୍ଦ କରିଛି। ବିମାନ ଚଳାଚଳ ନେଇ ସରକାରଙ୍କ ଚୂଡ଼ାନ୍ତ ନିଷ୍ପତ୍ତି ଆସିବା ପରେ ପୁଣି ଥରେ ବୁକିଂ ଗ୍ରହଣ କରିବା ଲାଗି ପୁରୀ ବିମାନ କମ୍ପାନୀଗୁଡିକୁ ପରାମର୍ଶ ଦେଇଛନ୍ତି। ବଛାବଛା ସ୍ଥାନକୁ ଘରୋଇ ଉଡ଼ାଣ ଲାଗି ମେ ୪ରୁ ଏବଂ ଅନ୍ତର୍ଜାତୀୟ ଉଡାଣ ପାଇଁ ଜୁନ୍ ପହିଲା ସମୟ ଅବଧି ବିଚାରକରି ଏୟାର ଇଣ୍ଡିଆ ବୁକିଂ ଆରମ୍ଭ ପରେ କେନ୍ଦ୍ର ମନ୍ତ୍ରୀ ଏଭଳି ପରାମର୍ଶ ଦେଇଥିଲେ।