ବୁଗୁଡ଼ା,୭ା୫(ଡି.ଏନ.ଏ.)- ବୁଗୁଡ଼ା ବ୍ଲକ ଓ ଏନ୍ଏସିରେ ଥିବା ୪୦ ସଙ୍ଗରୋଧ କେନ୍ଦ୍ରରେ ଗୁରୁବାର ସୁଦ୍ଧା ମୋଟ ୨୦୫୯ ପ୍ରବାସୀ ଓଡ଼ିଆ (ସୁରାଟ ଫେରନ୍ତା) ଆସି ରହିଛନ୍ତି। ରବିବାର ଠାରୁ ବୁଧବାର ରାତି ସୁଦ୍ଧା ଏହି ପ୍ରବାସୀ ଓଡ଼ିଆମାନେ ଟ୍ରେନ ଓ ବସରେ ଆସି ୪୦ କେନ୍ଦ୍ରରେ ରହିଛନ୍ତି। ବୁଗୁଡ଼ା ବ୍ଲକର ୩୬ ସଙ୍ଗରୋଧ କେନ୍ଦ୍ରରେ ୧୭୪୫ ପୁରୁଷ, ୧୦୩ ମହିଳା ଓ ୧୫ ଶିଶୁ ଏପରି ମୋଟ ୧୯୨୩ ଜଣ ପ୍ରବାସୀ ଓଡ଼ିଆ ରହିଥିବା ବେଳେ ୧୮ ଜଣ ଅନ୍ୟ ପ୍ରବାସୀଙ୍କୁ ମିଶାଇ ମୋଟ ୧୯୪୧ ଜଣ ଅଛନ୍ତି। ସେହିପରି ବୁଗୁଡ଼ା ଏନ୍ଏସିର ୪ କେନ୍ଦ୍ରରେ ୧୦୪ ପୁରୁଷ, ୮ ମହିଳା ଓ ୬ ଜଣ ଶିଶୁ ଏପରି ୧୧୮ ଜଣ ପ୍ରବାସୀ ଓଡ଼ିଆ ରହିଛନ୍ତି। ସ୍ଥାନୀୟ ବିଡିଓ ତନ୍ମୟ ପାତ୍ର, ତହସିଲଦାର ସଂଗ୍ରାମ କେଶରୀ ଜେନା, ଆଇଆଇସି ଚିତ୍ତରଞ୍ଜନ ବେହେରା ଏବଂ ଏନଏସି ନିର୍ବାହୀ ଅଧିକାରୀ ରଶ୍ମୀରଞ୍ଜନ ଦାଶ ପ୍ରମୁଖଙ୍କ ତତ୍ତ୍ବାବଧାନରେ କେନ୍ଦ୍ରମାନଙ୍କରେ ପ୍ରବାସୀଙ୍କ ସକାଶେ ଖାଦ୍ୟ, ପାନୀୟ, ସ୍ବାସ୍ଥ୍ୟ ପରୀକ୍ଷା ବ୍ୟବସ୍ଥା କରାଯାଇଛି।