ସମ୍ବଲପୁର, ୩୦।୩ (ବ୍ୟୁରୋ)- କରୋନା ଭୂତାଣୁ ସବୁ କ୍ଷେତ୍ର ଲାଗି କଟକଣା ଆଣି ଦେଇଛି। ପ୍ରତିଷେଧକ ଭାବେ ଜନସାଧାରଣ ଏହାକୁ ମାନୁଛନ୍ତି । ଏହି କ୍ରମରେ ସମ୍ବଲପୁର ବୁଢ଼ାରଜା ଦୈନିକ ବଜାର ପ୍ରବେଶ ପଥ ପ୍ରଫେସର କଲୋନୀ ଛକଠାରେ ଅଞ୍ଚଳବାସୀ ବାଉଁଶ ଦେଇ ରାସ୍ତା ଲକ୍ ଡାଉନ କରିଛନ୍ତି । ଏହାଦ୍ୱାରା ଗ୍ରାହକମାନେ ପ୍ରଫେସର କଲୋନୀ ଛକରୁ ବଜାର ଭିତରକୁ ଚାଲି ଚାଲି ଯାଇ ପନିପରିବା କିଣୁଛନ୍ତି । ଏହି କଟକଣା ଯୋଗୁ ସଙ୍ଗରୋଧ ହେବାସହ ପରିବା ବଜାରରେ ଗହଳି ମଧ୍ୟ କମ୍ ହେବ ବୋଲି ଆଶା ରହିଛି ।