ନୂଆଦିଲ୍ଲୀ,୭।୫: ସାରା ବିଶ୍ୱରେ କରୋନା ମହାମାରୀ ଏବେ ଆତଙ୍କ ସୃଷ୍ଟି କରିଥିବା ବେଳେ ଏହି ଯୁଦ୍ଧରେ ଆଗଧାଡିର ଯୋଦ୍ଧାଙ୍କୁ ସାରା ବିଶ୍ୱ ସମ୍ମାନ କରୁଛି। ଏହି କ୍ରମରେ ଗୁରୁବାର ବୁଦ୍ଧ ପୂର୍ଣ୍ଣିମା ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଉଦ୍ବୋଧନ ଦେଇଛନ୍ତି। ମୋଦି କହିଛନ୍ତି ଭଗବାନ ବୁଦ୍ଧ ବିଶ୍ୱକୁ ସେବା କରିବାର ବାର୍ତ୍ତା ଦେଇଛନ୍ତି। ଏବେ ପରିସ୍ଥିତି ଭିନ୍ନ ରହିଛି। ବିଶ୍ୱ ଏକ ଘଡିସନ୍ଧି ମୂହୁର୍ତ୍ତ ଦେଇ ଗତି କରୁଛି। ଭାରତ ଆଜି ବୁଦ୍ଧଙ୍କ ପଥ ଅନୁସରଣ କରି ସମସ୍ତଙ୍କ ପାଇଁ ସାହାଯ୍ୟର ହାତ ବଢାଇଛି। ଭାରତ ଏବେ ବିନା ସ୍ବାର୍ଥରେ ବିଶ୍ୱସହ ଠିଆ ହୋଇଛି ବୋଲି ମୋଦି କହିଛନ୍ତି। ଆମକୁ ନିଜ ସହ ପରିବାର, ପଡୋଶୀ ସମସ୍ତଙ୍କୁ ସୁରକ୍ଷା ଯୋଗାଇଦେବା ଉଚିତ। ସଙ୍କଟ ସମୟରେ ସାହାଯ୍ୟ କରିବା ସମସ୍ତଙ୍କ ଧର୍ମ ହେବା ଉଚିତ ବୋଲି ମୋଦି କହିଛନ୍ତି।