ଗଞ୍ଜାମ, ୨୫।୩(ଡି.ଏନ୍.ଏ.): କରୋନା ପାଇଁ ସାରା ବିଶ୍ୱ ଚିନ୍ତାରେ ଥିବାବେଳେ ଜୀବଜନ୍ତୁ ମଧ୍ୟ ସଙ୍କଟରେ ପଡ଼ିଛନ୍ତି। ଏ ନେଇ ସରକାର ଏପ୍ରିଲ ୧୪ ପର୍ଯ୍ୟନ୍ତ ଅର୍ଥାତ୍ ୨୧ ଦିନ ଲୋକଙ୍କୁ ଘରେ ରହିବାକୁ ନିର୍ଦ୍ଦେଶ ଦେଇଛନ୍ତି। ଲୋକଙ୍କ ଗହଳି ହେଲେ ପୋଲିସ ଅତର୍କିତ ଚଢ଼ାଉ କରୁଛି । ଏଥିରୁ ବୁଲାଗୋରୁ ମଧ୍ୟ ବାଦ୍ ପଡ଼ିନାହାନ୍ତି । ଏନ୍ଏସି ପ୍ରଶାସନ ପକ୍ଷରୁ ତିନିଦିନ ତଳେ ସହରରେ ବୁଲୁଥିବା ଗୋରୁଙ୍କୁ ବଡ଼ବଜାରଠାରେ ଥିବା ଭାରତୀ ବିଦ୍ୟାପୀଠ ମିନି ଷ୍ଟାଡିୟମରେ ଭର୍ତ୍ତି କରାଯାଇଛି। ସେମାନଙ୍କ ପାଇଁ କୌଣସି ବ୍ୟବସ୍ଥା ନ ଥିବା ଯୋଗୁ ସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି । ଏ ନେଇ ବଡ଼ବଜାର ବଣିକ ସଙ୍ଘ ସଭାପତି ଗୌରୀଶଙ୍କର ବାରିକି କୁହନ୍ତି, ଯେହେତୁ ସେମାନଙ୍କ ପାଟି ଫିଟୁନି ତେଣୁ ସେମାନଙ୍କ ପ୍ରତି ଏଭଳି କରିବା ଠିକ୍ ନୁହେଁ। ସେହିପରି ତହସିଲଦାର ଅବନୀ କୁମାର ସାହୁ କୁହନ୍ତି, ଏନ୍ଏସି ଇଓଙ୍କ ସହ କଥା ହେବା ପରେ ପଦକ୍ଷେପ ନିଆଯିବ।