ପାଟନା,୭।୩: ସବାରି କିମ୍ବା ଚାରି ଚକିଆ ଯାନରେ କନ୍ୟା ବିବାହମଣ୍ଡପକୁ ଆସିବା କଥା ସମସ୍ତେ ଶୁଣିଥିବେ। ହେଲେ ବିହାରର ଗୟାରେ ଜଣେ କନ୍ୟା ୧୬ ଶୃଙ୍ଗାର ପରେ ବିବାହ ପୋଷାକରେ ସଜେଇ ହୋଇ ଚଷମା ଲଗାଇ ବୁଲେଟ୍ ଚଢ଼ି ମଣ୍ଡପରେ ପହଞ୍ଚିବା ଘଟଣା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଆଉ ମଣ୍ଡପ ନିକଟରେ ନିଜେ ବର ପହଞ୍ଚି କନ୍ୟାଙ୍କୁ ସ୍ବାଗତ କରିଛନ୍ତି। ବୋଧଗୟାର ଟେକୁନା ଫାର୍ମ ନିକଟରୁ ବର ବାହାରିଥିବା ବେଳେ ସେ ଏକ ରଥରେ ଚଢି ବିବାହ କରିବାକୁ ପହଞ୍ଚିଥିଲେ। ଏହାପରେ ତାଙ୍କୁ ମଣ୍ଡପ ନିକଟରେ ସ୍ବାଗତ କରିବାକୁ ପୂର୍ବରୁ ପ୍ରସ୍ତୁତ କରାଯାଇଥିଲା। ଏହାପରେ କନ୍ୟା ବୁଲେଟ ଚଢି ମଣ୍ଡପରେ ପହଞ୍ଚିବା ପରେ ଉଭୟଙ୍କୁ ସ୍ବାଗତ କରାଯାଇ ମଣ୍ଡପ ମଧ୍ୟକୁ ନିଆଯାଇଥିଲା ସେଠାରେ ପରସ୍ପର ମାଳା ଅଦଳବଦଳ କରିଥିଲେ। ଏହାପରେ ସମ୍ପୂର୍ଣ୍ଣ ରୀତିନୀତି ଅନୁଯାୟୀ ରାମପୁର ଚିରେୟାଟାଂଡ ରେ ରହୁଥିବା ରାଜେଶ କୁମାରଙ୍କ ସାନ ଝିଅ ନିକ୍କି ଓ ଟେକୁନା ଫାର୍ମ ନିକଟରେ ରହୁଥିବା ସୁଦର୍ଶନ କୁମାରଙ୍କ ପୁଅ ନୀତୀଶ କୁମାରଙ୍କର ବିବାହ ସମ୍ପନ୍ନ ହୋଇଥିଲା। ମାର୍ଚ୍ଚ ୩ରେ ଏହି ବିବାହ ଅନୁଷ୍ଠିତ ହୋଇଥିବା ବେଳେ ଏବେ ଏହା ଚର୍ଚ୍ଚାକୁ ଆସିଛି।