ହାଇଦ୍ରାବାଦ,୨।୭: ତେଲେଙ୍ଗାନା କୋମରାମ ଭିମ ଆସିଫାବାଦର ଶିରିପୁର କାଗଜନଗର ବ୍ଲକରେ ପ୍ରାୟ ୪ଶହ ବନ ବିଭାଗ ଓ ପୋଲିସ କର୍ମଚାରୀ ବୃକ୍ଷରୋପଣ କରିଛନ୍ତି। ଦିନକୁ ଦିନ ଜଙ୍ଗଲ ପଦା ହେଉଥିବାରୁ ବୃକ୍ଷରୋପଣକୁ ଗୁରୁତ୍ୱ ଦେଇ ଗତ ଜୁନ୍ ୨୯ରେ ଏମାନେ ବୃକ୍ଷରୋପଣ ପାଇଁ କାଗଜନଗର ବ୍ଲକରେ ପହଞ୍ଚିଥିଲେ। ହେଲେ ସେଠାରେ ତାଙ୍କୁ ଟିଆର୍ଏସ୍ କର୍ମୀମାନେ ବିରୋଧ କରିବା ସହ ମାଡପିଟ ମଧ୍ୟ କରିଥିଲେ। ଏମିତିକି ପରିସ୍ଥିତିକୁ ସମ୍ଭାଳିବାକୁ ଚେଷ୍ଟା କରିଥିବା ଜଣେ ମହିଳା ବନ ଅଧିକାରୀଙ୍କୁ ଅତି ଅମାନବୀୟ ଭାବରେ ଟିଆର୍ଏସ୍ କର୍ମୀମାନେ ଆକ୍ରମଣକରିବାରୁ ସେ ଗୁରୁତର ଆହତ ମଧ୍ୟ ହୋଇଥିଲେ। ଏହାପରେ ସୋମବାର ପୁଣି ଥରେ କର୍ମଚାରୀମାନେ ସେଠାରେ ପହଞ୍ଚି ବୃକ୍ଷରୋପର କରିଛନ୍ତି।