ଚିକିଟି,୨୭ା୨(ଡି.ଏନ.ଏ.)- ବ୍ରହ୍ମପୁର ପୋଲିସ୍ ଜିଲା କେ.ନୂଆଗଁା ଥାନା କରବାଲୁଆ ଛକ-ଭୋଳାସିଙ୍ଗି ରାସ୍ତାରେ ଥିବା ମା’ ବଗଳାମୁଖି ମନ୍ଦିର ନିକଟରେ ଗୁରୁବାର ଅପରାହ୍ନରେ ଜଣେ ବୃଦ୍ଧ ଲୁଟ୍ର ଶିକାର ହୋଇଛନ୍ତି। ସେ ହେଲେ କଳବାଡ ପଞ୍ଚାୟତ ବଡଗଁା ଗ୍ରାମର ରଘୁ ବେହେରା (୬୦)।
ମିଳିଥିବା ସୂଚନା ଅନୁଯାୟୀ, ରଘୁ ଚିକିଟିପେଣ୍ଠ ସ୍ଥିତ ଆନ୍ଧ୍ର ବ୍ୟାଙ୍କରୁ ୪୦ ହଜାର ଟଙ୍କା ଉଠାଇ ସାଇକେଲ ଯୋଗେ ଉକ୍ତ ରାସ୍ତା ଦେଇ ଘରକୁ ଫେରୁଥିଲେ। ମନ୍ଦିର ନିକଟରେ ୨ ଜଣ କଳା ମୁଖାଧାରୀ ଦୁର୍ବୃତ୍ତ ବାଇକ୍ ଯୋଗେ ସାମନାପଟୁ ଆସି ରଘୁଙ୍କୁ ଅଟକାଇ ଟଙ୍କା ଲୁଟିନେଇ ଦ୍ରୁତଗତିରେ ଫେରାର ହୋଇଯାଇଥିଲେ। ସ୍ଥାନୀୟ ଲୋକେ ବୃଦ୍ଧଙ୍କ ପାଟିଶୁଣି ଦୁର୍ବୃତ୍ତଙ୍କ ପିଛା କରିଥିଲେ ମଧ୍ୟ ଟେର୍ ପାଇ ନ ଥିଲେ। କେ.ନୂଆଗଁା ପୋଲିସ୍ ଓ ଚିକିଟି ଫାଣ୍ଡି ପୋଲିସ୍ ଘଟଣାସ୍ଥଳରେ ପହଞ୍ଚତ୍ ତନାଘନା ଆରମ୍ଭ କରିଛନ୍ତି। ବର୍ଷେ ମଧ୍ୟରେ ଏପରି ୧୦ରୁ ଉର୍ଦ୍ଧ୍ୱ ଘଟଣା ଘଟିଥିଲେ ମଧ୍ୟ ଆଜିସୁଦ୍ଧା ପୋଲିସ କୌଣସି ଦୁର୍ବୃତ୍ତଙ୍କୁ କାବୁ କରିପାରି ନ ଥିବା ଜଣାପଡିଛି। ଏ ସମ୍ପର୍କରେ ଚିକିଟି ଫାଣ୍ଡି ଅଧିକାରୀ ବିଜୟ କୁମାର ପ୍ରଧାଙ୍କ ସହ ଯୋଗଯୋଗବେଳେ ଘଟଣା ସତ୍ୟ କିନ୍ତୁ ଏନେଇ ଥାନାରେ ଏତଲା ହୋଇ ନ ଥିବା କହିଛନ୍ତି।