ବେଙ୍ଗାଲୁରୁ, ୧୮।୧: ମଙ୍ଗଳବାର ବେଙ୍ଗାଲୁରୁର ଜନଗହଳି ସଡ଼କରେ ଜଣେ ବୃଦ୍ଧଙ୍କୁ ସ୍କୁଟର ଚାଳକ ଘୋଷାଡ଼ି ନେଇ ଗିରଫ ହୋଇଛନ୍ତି। ସ୍କୁଟର ଚଲାଉଥିବା ସାହିଲ ଏକ କାର୍ ସହ ପିଟି ହୋଇଥିଲେ। ଏହାପରେ ୭୧ ବର୍ଷୀୟ ମୁଟ୍ଟାପା କାର୍ରୁ ବାହାରି ସ୍କୁଟର ପାଖକୁ ଯାଉଥିବାବେଳେ ସାହିଲ ଖୁବ୍ ଜୋରରେ ସେଠାରୁ ଚାଲିଯିବାକୁ ଉଦ୍ୟମ କରିଥିଲେ। ଫଳରେ ମୁଟ୍ଟାପା ଶାହିଲଙ୍କ ସ୍କୁଟର ପଛରେ ଫସିଯାଇଥିଲେ। ସାହିଲ ସ୍କୁଟର ନ ଅଟକାଇ ଜୋର୍ରେ ଚାଲିଯାଇଥିବାବେଳେ ମୁଟ୍ଟାପା ମଧ୍ୟ ସ୍କୁଟର ସହ କିଛିଦୂର ଘୋଷାଡ଼ି ହୋଇ ଚାଲିଯାଇଥିଲେ। ଘଟଣା ନେଇ ସାହିଲଙ୍କୁ ପୋଲିସ ଗିରଫ କରିଥିବାବେଳେ ମୁଟ୍ଟାପା ସାମାନ୍ୟ ଭାବେ କ୍ଷତାକ୍ତ ହୋଇଥିବା ଜଣାପଡ଼ିଛି।