ମିରଟ,୧୭।୨: ନିଜର ମନ୍ତବ୍ୟ ନେଇ ବାରମ୍ବାର ବିବାଦୀୟ ହେଉଥିବା ଭାଜପାର କେନ୍ଦ୍ରୀୟ ମନ୍ତ୍ରୀ ଗିରିରାଜ ସିଂ ପୁଣି ଥରେ ଅସୁବିଧାରେ ପଡ଼ିଛନ୍ତି। ଉତ୍ତରପ୍ରଦେଶ ସୁରଟରେ ଏକ କାର୍ଯ୍ୟକ୍ରମରେ ଯୋଗଦେଇ ବେକାରଙ୍କୁ ନେଇ ସେ ବିବାଦୀୟ ମନ୍ତବ୍ୟ ଦେଇଛନ୍ତି। ସେ କହିଛନ୍ତି ବେକାର ଯୁବବର୍ଗ ୪ଟି ଗାଈ ପାଳିଲେ କେବଳ ଗୋବର ଏବଂ ଗୋମୁତ୍ର ବିକ୍ରି କରି ବର୍ଷକୁ ୨୦ ଲକ୍ଷ ଟଙ୍କା ରୋଜଗାର କରିପାରିବେ। ଏହା ସହିତ ଗାଈ କ୍ଷୀରରୁ ମଧ୍ୟ ବେଶ୍ ଭଲ ରୋଜଗାର କରାଯିବା ସହିତ ଦେଶର ଖାଦ୍ୟ ସମସ୍ୟା ଦୂର ହୋଇପାରିବ। ସମସ୍ତେ ଖାଦ୍ୟ ଖାଇବାକୁ ଚାହିଁବସିଥିବାବେଳେ ଖାଦ୍ୟ ଉତ୍ପାଦନ ପାଇଁ କାହାର ଆଗ୍ରହ ନ ଥିବା ସେ କହିଛନ୍ତି। ଏହା ଦ୍ୱାରା ଆଗାମୀ ଦିନରେ ଦେଶରେ ଖାଦ୍ୟ ସଙ୍କଟ ସୃଷ୍ଟି ହେବାର ଆଶଙ୍କା ଥିବା ସେ କହିଛନ୍ତି। ତେବେ ଏବେ ଗିରିରାଜଙ୍କ ମନ୍ତବ୍ୟ ନେଇ ଚର୍ଚ୍ଚା ଆରମ୍ଭ ହୋଇଛି।