ଭୁବନ, ୧୪।୫(ଡି.ଏନ.ଏ.) – ବେଙ୍ଗାଲୁରୁରୁ ୧ଲକ୍ଷ ୬୦ ହଜାର ଟଙ୍କା ବସ୍ଭଡ଼ା ଦେଇ ୩୨ ଜଣ ପ୍ରବାସୀ ଓଡ଼ିଶା ଫେରିଛନ୍ତି। ସେମାନଙ୍କ ମଧ୍ୟରୁ ଢେଙ୍କାନାଳ ଜିଲା ଭୁବନ ବ୍ଲକ ସୁରପ୍ରତାପପୁର ପଞ୍ଚାୟତର ୨୬ ଏବଂ କେନ୍ଦ୍ରାପଡ଼ା ଜିଲାର ୬ଜଣ ଅଛନ୍ତି। ସମ୍ପୃକ୍ତ ପ୍ରବାସୀମାନେ ଗତ ୧୧ ତାରିଖ ରାତି ୧୦ଟାରେ ବେଙ୍ଗାଲୁରୁରୁ ବାହାରିଥିଲେ। ବସ୍ ଭୁବନେଶ୍ୱର ଦେଇ କେନ୍ଦ୍ରାପଡ଼ାରେ ପହଞ୍ଚତ୍ଥିଲା। ସେଠାରେ ୬ଜଣ ପ୍ରବାସୀଙ୍କୁ ଛାଡ଼ି ମଙ୍ଗଳବାର ରାତିରେ ଉକ୍ତ ବସ୍ ସୁରପ୍ରତାପପୁରରେ ପହଞ୍ଚତ୍ଥିଲା। ୨୬ ପ୍ରବାସୀଙ୍କୁ ଶ୍ରୀମା ଅରବିନ୍ଦ ପୂର୍ଣ୍ଣାଙ୍ଗ ସରକାରୀ ହାଇସ୍କୁଲ କ୍ୱାରାଣ୍ଟାଇନ୍ ସେଣ୍ଟରରେ ରଖାଯାଇଛି। ସୁରପ୍ରତାପପୁର ପଞ୍ଚାୟତର ୧୮୭ଜଣ ପ୍ରବାସୀ ଘରକୁ ଫେରିବାକୁ ନାମ ପଞ୍ଜୀକରଣ କରିଛନ୍ତି। ଏଥିପୂର୍ବରୁ ୬ଜଣ ଆସି ପହଞ୍ଚତ୍ ସାରିଛନ୍ତି। ବୁଧବାର ରାତିରେ ବେଙ୍ଗାଲୁରୁରୁ ଅନ୍ୟ ଏକ ବସ୍ରେ ୨୫ଜଣଙ୍କୁ ନେଇ ବାହାରିବ ବୋଲି ବିଶେଷସୂତ୍ରରୁ ଜଣାପଡ଼ିଛି।
ଏ ନେଇ ବିଡିଓ ଆଶୀର୍ବାଦ ପରିଡ଼ା କୁହନ୍ତି, ବେଙ୍ଗାଲୁରୁ ପ୍ରବାସୀ ନିଜସ୍ବ ଖର୍ଚ୍ଚରେ ଓଡ଼ିଶା ଆସିଛନ୍ତି। ସେମାନଙ୍କ ରହିବା, ଖାଇବା ଲାଗି ସମସ୍ତ ବ୍ୟବସ୍ଥା କରାଯାଇଛି। ପଞ୍ଚାୟତର ସରପଞ୍ଚ ଏବଂ ଅଧିକାରୀଙ୍କୁ କେନ୍ଦ୍ର ପରିଚାଳନା କରିବାକୁ ଦାୟିତ୍ୱ ବଣ୍ଟନ କରାଯାଇଛି।
