ଜାମସେଦପୁର, ୪।୧୧ (ପି.ଟି.)- ସ୍ଥାନୀୟ ଜେଆର୍ଡି ଟାଟା ସ୍ପୋଟର୍ସ କମ୍ପ୍ଲେକ୍ସଠାରେ ରବିବାର ଇଣ୍ଡିଆନ ସୁପର ଲିଗ (ଆଇଏସ୍ଏଲ୍)ରେ ଡିଫେଣ୍ଡିଂ ଚାମ୍ପିଅନ ବେଙ୍ଗାଲୁରୁ ଏଫ୍ସି ଏବଂ ଘରୋଇ ଜାମସେଦପୁର ଏଫ୍ସି ମଧ୍ୟରେ ଅନୁଷ୍ଠିତ ମ୍ୟାଚ୍ ଗୋଲଶୂନ୍ୟ ଭାବେ ଡ୍ର’ ରହିଛି l ଘରୋଇ ପଡିଆରେ ଲଗାତାର ତୃତୀୟ ବିଜୟ ସହିତ ହ୍ୟାଟ୍ରିକ ଅର୍ଜନ କରିବାକୁ ଲକ୍ଷ୍ୟ ରଖିଥିବା ଜାମସେଦପୁର ଦଳ ତିନିଟି ମ୍ୟାଚରୁ ସାତ ପଏଣ୍ଟ ସହ ଲିଗ ଟେବୁଲର ଶୀର୍ଷ ସ୍ଥାନ ବଜାୟ ରଖିଛି l ଅନ୍ୟ ପକ୍ଷରେ ବେଙ୍ଗାଲୁରୁ କ୍ରମାଗତ ୩ଟି ମ୍ୟାଚ ଡ୍ର ରଖି ପଏଣ୍ଟ ଟେବୁଲର ସପ୍ତମ ସ୍ଥାନକୁ ଖସିଆସିଛି l