ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ କ୍ରିକେଟଠାରୁ ଦୂରରେ ଥିଲେ ମଧ୍ୟ ସବୁବେଳେ ସୋସିଆଲ ମିଡିଆରେ ଚର୍ଚ୍ଚାରେ ଥାନ୍ତି। ଅଧିକାଂଶ ସମୟରେ ତାଙ୍କ ଫଟୋ କିମ୍ବା ଭିଡିଓ ଭାଇରାଲ ହୋଇଥାଏ। ସ୍ତ୍ରୀ ସାକ୍ଷୀ ମଧ୍ୟ ଧୋନୀଙ୍କ ଅପଡେଟ୍ ଫ୍ୟାନ୍ସଙ୍କୁ ଦେଇଥାନ୍ତି। ସମସ୍ତେ ଜାଣନ୍ତି ଧୋନୀ କ୍ରିକେଟ ପରେ ଫୁଟବଲ୍ ଏବଂ ଟେନିସ୍ ଖେଳିବାକୁ ପସନ୍ଦ କରନ୍ତି। କିନ୍ତୁ ଜାଣିଛନ୍ତି କି ଧୋନୀ ପବଜି ଗେମ୍ ଖେଳିବାକୁ ବହୁତ ପସନ୍ଦ କରନ୍ତି। ଏହା ଏତେ ପ୍ରିୟ ଯେ ଖେଳିବା ବେଳେ ଆଖପାଖରେ କିଏ ଅଛି ବି ଧ୍ୟାନ ଦେଇ ନ ଥାନ୍ତି। ଏମିତିକି ସାକ୍ଷୀଙ୍କ କଥା ବି ଶୁଣି ନ ଥାନ୍ତି ବୋଲି କହିଛନ୍ତି ସେ। ଏଥିପାଇଁ ସେ ମାହିଙ୍କ ଉପରେ ବେଳେ ବେଳେ ରାଗିଯାଆନ୍ତି ବୋଲି ସାକ୍ଷୀ କୁହନ୍ତି। ତେବେ ପବଜି ଖେଳିବା ଦ୍ୱାରା ଧୋନୀ ଚିନ୍ତାମୁକ୍ତ ରହୁଥିବାରୁ ସେ ତାଙ୍କୁ କେବେ ରୋକି ନ ଥିବା ସେ କହିଛନ୍ତି।