ଝରିଗାଁ,୨୬।୬(ସ୍ବ.ପ୍ର.): ନବରଙ୍ଗପୁର ଜିଲା ଝରିଗାଁ ବ୍ଲକ ଉମରକୋଟସ୍ଥିତ ଶିଶୁ ବିଦ୍ୟାମନ୍ଦିରର ତୃତୀୟ ଶ୍ରେଣୀର ସାଇ ଅନୁଷ୍କା ମହାରଣା ଆକାଶବାଣୀ ଜୟପୁର ଦ୍ୱାରା ଆୟୋଜିତ ବେତାର ନାଟକ ବିଭାଗ ପାଇଁ ବି ଗ୍ରେଡ୍ ଶିଶୁ କଳାକାର ଭାବେ ମନୋନୀତ ହୋଇଛନ୍ତି। ଜିଲାର ଅଗ୍ରଣୀ କଳା ଓ ସାଂସ୍କୃତିକ ଅନୁଷ୍ଠାନ ତରଫରୁ ତାଙ୍କୁ ସମ୍ବର୍ଦ୍ଧନା ଦିଆଯାଇଛି। କନିଷ୍ଠ ମହାବିଦ୍ୟାଳୟରେ କାର୍ଯ୍ୟରତ ଓଡ଼ିଆ ଅଧ୍ୟାପକ ତଥା ବିଶିଷ୍ଟ ନାଟ୍ୟକାର ଗୋପାଳ ମହାରଣାଙ୍କ ଝିଅ ସୁଶ୍ରୀ ସାଇ ଅନୁଷ୍କାଙ୍କ ଏହି ସଫଳତା ପଛରେ ତାଙ୍କ ମା’ବାପା ଓ ଆତ୍ମୀୟସ୍ବଜନ ତଥା ଗୁରୁମା ଗୁରୁଜୀମାନଙ୍କ ଆଶୀର୍ବାଦ ରହିଥିବା ସେ କହିଛନ୍ତି। ଏହାସହ ମଞ୍ଚ ନାଟ୍ୟ ନିର୍ଦ୍ଦେଶିକା ତଥା ଅଧ୍ୟାପିକା ମା’ ମଧୁସ୍ମିତା ମହାରଣାଙ୍କଠାରୁ ତାଙ୍କୁ ପ୍ରେରଣା ମିଳିଥିବା ସେ କହିଛନ୍ତି। ଏଥିପୂର୍ବରୁ ସେ ମଞ୍ଚ ନାଟକରେ ଅଭିନୟ କରି ବହୁ ପ୍ରଶଂସା ଅର୍ଜନ କରିବା ସହ ଜଣେ ଶ୍ରେଷ୍ଠ ଶିଶୁ କଳାକାର ଭାବେ ମଧ୍ୟ ସମ୍ବର୍ଦ୍ଧିତ ହୋଇଛନ୍ତି।