ବ୍ରସେଲ୍ସ,୪।୫(ଏଏଫ୍ପି): ବେଲ୍ଜିୟମ ଫୁଟବଲ କୋଚ୍ ରୋବେର୍ଟୋ ମାର୍ଟିନେଜଙ୍କ କାର୍ଯ୍ୟକାଳ ବୃଦ୍ଧି ହୋଇଛି। କାତାରରେ ଆୟୋଜନ ହେବାକୁ ଥିବା ଫିଫା ବିଶ୍ୱକପ୍ ପର୍ଯ୍ୟନ୍ତ ସେ କୋଚ୍ ପଦରେ ରହିବେ ବୋଲି ସ୍ଥାନୀୟ ଗଣମାଧ୍ୟମଗୁଡିକ ସୂଚନା ଦେଇଛନ୍ତି। ଏ ନେଇ ୪୬ ବର୍ଷୀୟ ମାର୍ଟିନେଜ ବେଲଜିୟମ୍ ଫୁଟବଲ ଫେଡେରେଶନ (ବିଏଫ୍ଏଫ୍) ସହିତ ୩ ସପ୍ତାହ ତଳେ ଚୁକ୍ତି କରିଛନ୍ତି। ଚଳିତ ବର୍ଷ ୟୁରୋପିଆନ ଚାମ୍ପିୟନଶିପ୍ ପରେ ମାର୍ଟିନେଜଙ୍କ ଚୁକ୍ତି ଶେଷ ହେବାର ଥିଲା। ତେବେ କୋଭିଡ-୧୯ ମହାମାରୀ କାରଣରୁ ତାଙ୍କ ଚୁକ୍ତିକୁ ୨୦୨୧ ପର୍ଯ୍ୟନ୍ତ ବୃଦ୍ଧି କରାଯାଇଥିଲା। ୨୦୧୮ ବିଶ୍ୱକପ୍ରେ ମାର୍ଟିନେଜ ବେଲଜିୟମକୁ ତୃତୀୟ ସ୍ଥାନରେ ପହଞ୍ଚାଇଥିଲେ। ତାଙ୍କର ବାର୍ଷିକ ପାଉଣା(୧.୩୩ ମିଲିୟନ ଆମେରିକୀୟ ଡଲାର)କୁ ଦୁଇଗୁଣ କରାଯିବ। ପୂର୍ବତନ ଇଭର୍ଟନ, ଓ୍ବିଗାଲ ଓ ସ୍ବାନ୍ସି ମ୍ୟାନେଜର ମାର୍ଟିନେଜ ୨୦୧୬ରେ ବେଲଜିୟମ କୋଚ୍ ଭାବେ ମାର୍କ ଓ୍ବିଲମୋଟ୍ସଙ୍କ ଉତ୍ତରାଧିକାରୀ ଭାବେ ନିଯୁକ୍ତ ହୋଇଥିଲେ।