6 Good Reasons to Eat a Banana Today
କଞ୍ଚା ଅବା ପାଚିଲା କଦଳୀ ଉଭୟର ବ୍ୟବହାର ସ୍ବାସ୍ଥ୍ୟ ପାଇଁ ବେଶ୍ ଉପକାରୀ। ଅଧିକାଂଶ କ୍ଷେତ୍ରରେ କଦଳୀ ଖାଇବା ପରେ ଚୋପାକୁ ଫିଙ୍ଗି ଦିଆଯାଏ। କିନ୍ତୁ ଜାଣନ୍ତି, କଦଳୀ ଚୋପାରେ ଭରପୂର୍ ମାତ୍ରାରେ ନ୍ୟୁଟ୍ରିଏଣ୍ଟ୍ସ ଥାଏ, ଯାହା ଓଜନ ହ୍ରାସ କରିବା ସହ ବିଭିନ୍ନ ପ୍ରକାର ସ୍ବାସ୍ଥ୍ୟ ସମସ୍ୟା ଦୂର କରିଥାଏ। ଏହାଛଡ଼ା କଦଳୀ ଚୋପାରେ ଭିଟାମିନ୍ ବି-୬ ଏବଂ ବି-୧୨ ବ୍ୟତୀତ ମିନେରାଲ୍ସ, ପୋଟାସିୟମ୍ ଏବଂ ମ୍ୟାଗ୍ନେସିୟମ୍ ଥାଏ। ଏହା ଫାଇବର୍ର ସବୁଠୁ ଭଲ ଉତ୍ସ, ଯାହା ପାଚନକ୍ରିୟାକୁ ଠିକ୍ ରଖିବାରେ ସାହାଯ୍ୟ କରେ। ବିଭିନ୍ନ ଗବେଷଣାରୁ ଜଣାପଡ଼ିଛି, କଦଳୀ ଚୋପାରେ ସେରୋଟନିନ୍ ନାମକ ପଦାର୍ଥ ଥାଏ, ଯାହା ଅବସାଦ ଉପରେ ନିୟନ୍ତ୍ରଣ ଆଣିବାରେ ସହାୟକ ହୁଏ। ଏମିତି କଦଳୀ ଚୋପାରେ ଟ୍ରିପ୍ଟୋଫନ୍ ନାମକ ପଦାର୍ଥ ମିଳିଥାଏ, ଯାହା ଏକ ପ୍ରକାରର ଆମିନୋ ଏସିଡ୍। ରାତିରେ ଭଲ ନିଦ୍ରା କରିବାରେ ଏହା ଲାଭପ୍ରଦ ସାବ୍ୟସ୍ତ ହୋଇଥାଏ। କଦଳୀ ଚୋପା ବ୍ୟବହାର କରିବା ପୂର୍ବରୁ କିଛି କଥା ଧ୍ୟାନ ଦେବାକୁ ପଡ଼ିଥାଏ। ଜାପାନୀ ସାଇଣ୍ଟିଫିକ୍ ରିସର୍ଚ୍ଚ ମୁତାବକ, ପାଚିଲା କଦଳୀ ଚୋପାରେ ଆଣ୍ଟି କ୍ୟାନସର୍ ଗୁଣ ଥାଏ, ଯାହା ଶ୍ୱେତ ରକ୍ତକଣିକାର ଉପତ୍ାଦନ ବୃଦ୍ଧି କରିବାରେ ସାହାଯ୍ୟ କରେ। ଯଦି ଆହାରରେ ଏହାକୁ ସାମିଲ କରନ୍ତି, ତେବେ ନରମ କରିବାକୁ ୧୦ ମିନିଟ୍ ପର୍ଯ୍ୟନ୍ତ ପାଣିରେ ସିଝାନ୍ତୁ। ପରେ ସେବନ କରନ୍ତୁ।