ନୂଆଦିଲ୍ଲୀ/ଲଣ୍ଡନ,୧୩।୧୨: ବ୍ରିଟେନରେ ୧୯୨୩ ପରେ ପ୍ରଥମଥର ଲାଗି ଡିସେମ୍ବରରେ ସାଧାରଣ ନିର୍ବାଚନ ଅନୁଷ୍ଠିତ ହୋଇଥିଲା। ଆଉ ଏହି ନିର୍ବାଚନରେ କଞ୍ଜରଭେଟିଭ ପାର୍ଟି ବହୁମତରେ ନିର୍ବାଚନ ଜିତିଥିବା ସୂଚନା ମିଳିଛି। ଏହାପରେ ବୋରିସ ଜନସନ ପ୍ରଧାନମନ୍ତ୍ରୀ ହେବା ନିଶ୍ଚିତ ହୋଇଯାଇଛି। ଏହା ଜଣାପଡିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜନସନଙ୍କୁ ଅଭିନନ୍ଦନ ଜଣାଇଛନ୍ତି। ଟୁଇଟ୍ କରି ମୋଦି କହିଛନ୍ତି ଅଭିନନ୍ଦନ ଜଣାଇବା ସହ ଏବେ ଭାରତ ବ୍ରିଟେନ ମିଶି ଆଗକୁ ବଢିବାକୁ ଆଶା ରଖିଛି। ସୂଚନାଯୋଗ୍ୟ, ୫ ବର୍ଷ ମଧ୍ୟରେ ଏହା ତୃତୀୟ ନିର୍ବାଚନ। ଏହା ପୂର୍ବରୁ ୨୦୧୫ ଓ ୨୦୧୭ରେ ଏଠାରେ ନିର୍ବାଚନ ହୋଇଥିଲା।