ବୌଦ୍ଧ,୩୦ା୫ (ସ୍ବ.ପ୍ର.)- ଓଡ଼ିଶାରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ଚାଲିଥିବା ବେଳେ ବହୁ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିବା ଆଶ୍ୱସ୍ତି ଆଣିଛି ା ଶନିବାର ବୌଦ୍ଧ ଜିଲା କରୋନା ମୁକ୍ତ ହୋଇଥିବା ସିଡିଏମଓ ଡା. ଲକ୍ଷ୍ମୀଧର ସାହୁ ଜଣାଇଛନ୍ତି ା ଏହି ଜିଲାରେ ପ୍ରଥମେ ୩ ଜଣ କରୋନା ପଜିଟିଭ ଚିହ୍ନଟ ହୋଇଥିଲେ ା ଏହାର କିଛି ଦିନ ପରେ ଅନ୍ୟ ଦୁଇ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ ା ଏହାର ଏକ ସପ୍ତାହ ପରେ ଜିଲାରେ ଗୋଟିଏ ଦିନରେ ୨୮ ଜଣ ପଜିଟିଭ ଚିହ୍ନଟ ହେବା ଜଣାପଡିବା ପରେ ଜିଲାବାସୀ ଆତଙ୍କିତ ହେବା ସହ ପ୍ରଶାସନ ପାଇଁ ମୁଣ୍ଡ ବ୍ୟଥାର କାରଣ ପାଲଟିଥିଲା ା ପୂର୍ବରୁ ଜିଲାର ୫ ଜଣ ସୁସ୍ଥ ହୋଇଥିବା ବେଳେ ଶନିବାର ୨୮ ଜଣ ସୁସ୍ଥ ହୋଇଥିବା ଜଣାଯାଇଛି ା ଜିଲାର ସମସ୍ତ ୩୩ ଜଣ କରେନା ଆକ୍ରାନ୍ତ ସୁସ୍ଥ ହେବା ଖୁସି ଖବର ହୋଇଥିବା ବେଳେ ଜିଲା କରୋନା ମୁକ୍ତ ହୋଇଛି ା
ପ୍ରକାଶଥାଉ କି , ଗୋଟିଏ ଦିନରେ ୨୮ ଜଣ ପଜିଟିଭ ବାହରିବା ପରେ ୨୧ ଜଣଙ୍କୁ ବୌଦ୍ଧ କୋଭିଡ କେୟାର ସେଣ୍ଟରରେ ରଖାଯାଇ ଚିକିତ୍ସିତ କରାଯାଇଥିବା ବେଳେ ୭ଜଣଙ୍କୁ ଭୁବନେଶ୍ୱର ଚିକିତ୍ସା ପାଇଁ ପଠାଯାଇଥିଲା ା ଭୁବନେଶ୍ୱରରେ ଚିକିତ୍ସାଧୀନ ଥିବା ଯୁବକମାନେ ସୁସ୍ଥ ହୋଇ ଜିଲାକୁ ଫେରିଥିଲେ ା ଶନିବାର ସୁସ୍ଥ ହୋଇଥିବା ସମସ୍ତ ଯୁବକଙ୍କୁ ଜିଲା ପ୍ରଶାସନ ପକ୍ଷରୁ ଜିଲା କୋଭିଡ କେୟାର ସେଣ୍ଟର ଠାରେ ଫୁଲତୋଡା ଦିଆଯାଇ ଅଭିନନ୍ଦନ ଜଣାଯିବା ସହିତ ସ୍ବତନ୍ତ୍ର ଆମ୍ବୁଲାନସ ଯୋଗେ ସେମାନଙ୍କ ଘରକୁ ପଠାଇ ଦିଆଯାଇଛି। ଏହି ସମୟରେ ବୌଦ୍ଧ ବିଧାୟକ ପ୍ରଦୀପ କୁମାର ଅମାତ, ଜିଲାପାଳ ଲଲାଟେନ୍ଦୁ ମିଶ୍ର,ଏସପି ଭି. ରଘୁନାଥ ରାଓ, ଜିଲା ମୁଖ୍ୟ ଚିକିତ୍ସାଧିକାରୀ ଡ. ସାହୁ. ଗ୍ରାମ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଶଶାଙ୍କ ଶେଖର ଦାଶ, ଉପଜିଲାପାଳ ଏନସି ଜ୍ୟୋତି ରଞ୍ଜନ ନାଏକଙ୍କ ସମେତ ସ୍ବାସ୍ଥ୍ୟ ବିଭାଗର କର୍ମଚାରୀମାନେ ଉପସ୍ଥିତ ରହି ସୁସ୍ଥ ଯୁବକମାନଙ୍କୁ ତାଳି ମାରି ଉତ୍ସାହିତ କରିବା ସହିତ ବିଦାୟ ଦେଇଥିଲେ। ଜିଲା ପ୍ରଶାସନ ଓ ସ୍ବାସ୍ଥ୍ୟ ବିଭାଗର ଡାକ୍ତର,ନର୍ସମାନଙ୍କ ପ୍ରଚେଷ୍ଟାରେ ରାଜ୍ୟର ପ୍ରଥମ ଜିଲା ଭାବରେ ବୌଦ୍ଧରେ ୨୧ ଜଣ ସଂକ୍ରମିତ ସୁସ୍ଥ ହୋଇ ପାରିଛନ୍ତି ା ବିଧାୟକ ଅମାତ ଏଥିପାଇଁ ଜିଲାପାଳ,ଏସପି, ମୁଖ୍ୟ ଚିକିତ୍ସାଧିକାରୀଙ୍କ ସମେତ ସ୍ବାସ୍ଥ୍ୟ ବିଭାଗର କର୍ମଚାରୀମାନଙ୍କୁ ସମ୍ବର୍ଦ୍ଧିତ କରିଥିଲେ। ସୁସ୍ଥ ଯୁବକମାନେ ଗ୍ରାମକୁ ଫେରିବା ପରେ ସରପଞ୍ଚ ଓ ଗ୍ରାମବାସୀ ସେମାନଙ୍କୁ ଅଭିନନ୍ଦନ ଜଣାଇଥିଲେ। ତେବେ ଏହି ଯୁବକମାନେ ଗ୍ରାମକୁ ଫେରି ନିଜ ଘରେ ୧୪ ଦିନ କ୍ୱାରାଣ୍ଟାଇନରେ ରହିବା ପରେ ସାଧାରଣ ଲୋକଙ୍କ ସହ ମିଳାମିଶା କରିପାରିବେ ବୋଲି ଜିଲା ମୁଖ୍ୟଚିକିତ୍ସାଧିକାରୀ ଡା. ସାହୁ ପ୍ରକାଶ କରିଛନ୍ତି।