ବୌଦ୍ଧ,୫ା୫(ସ୍ବ.ପ୍ର.)-ତୃତୀୟ ପର୍ଯ୍ୟାୟ ଲକଡାଉନ ପରେ ସାରା ଦେଶକୁ ତିନିଗୋଟି ଜାନରେ ବିଭକ୍ତ କରାଯାଇଛି। ରେଡ, ଅରେଞ୍ଜ ଓ ଗ୍ରୀନ ଜୋନରେ ଭିନ୍ନ ଭିନ୍ନ ଭାବେ ନିୟମ କରାଯିବା ସହ କଟକଣା ଜାରି କରାଯାଇଛି ା ବୌଦ୍ଧ ଜିଲା ଗ୍ରୀନ ଜୋନରେ ଥିବା ବେଳେ ତୃତୀୟ ପର୍ଯ୍ୟାୟ ଲକଡାଉନ ପରେ ମଙ୍ଗଳବାର ଜିଲାପାଳ ଲଲାଟେନ୍ଦୁ ମିଶ୍ର ଏକ ନିର୍ଦ୍ଦେଶନାମା ଜାରି କରିଛନ୍ତି। ଜିଲାରେ ମଦ ଦୋକାନ, ଚା, କଫି, ପାନ, ଜିମ ଓ ଠେଲା ଜଳଖିଆ ଦୋକାନକୁ ସମ୍ପୂର୍ଣ୍ଣ ଭାବେ ବନ୍ଦ କରାଯାଇଛି। ଅନ୍ୟ ସମସ୍ତ ଦୋକାନ ସକାଳ ୭ଟାରୁ ଦିନ ୨ଟା ପର୍ଯ୍ୟନ୍ତ ଖୋଲା ରହିବାକୁ ଏଥିରେ କୁହାଯାଇଛି। ଏହା ସହ ଓଷଧ ଦୋକାନ, ପେଟ୍ରୋଲ ପମ୍ପ, ଗ୍ୟାସ ବିତରଣ କେନ୍ଦ୍ର, ଘର ନିର୍ମାଣ ସମଗ୍ରୀ, କୃଷି ସମ୍ବନ୍ଧୀୟ ଜିନିଷ ଓ ଗ୍ୟାରେଜ ଦିନ ସାରା ଖୋଲା ରହିବ ା ଏଥି ସହିତ ହୋଟେଲ, ରେଷ୍ଟୁରାଣ୍ଟ, ମିଠା ଦୋକାନ ଓ ଜୁସ ଦୋକାନଗୁଡିକ କେବଳ ଖାଦ୍ୟ ପାର୍ଶଲ କରିପାରିବେ ା ବାଇକରେ ଦୁଇଜଣ ଯିବାକୂ ଅନୁମତି ଥିବା ବେଳେ କାର ଓ ଅଟୋରେ ଚାଳକ ସହ ଦୁଇଜଣ ବସିଯିବାର ଅନୁମତି ଦିଆଯାଇଛି ା ଏହା ସହ ସମସ୍ତେ ମାସ୍କ ପିନ୍ଧିବାକୁ ବାଧ୍ୟ କରାଯାଇଛି ା ସର୍ବସାଧାରଣ ସ୍ଥାନରେ ଛେପ, ଗୁଡଖାକୁ ସମ୍ପୂର୍ଣ୍ଣ ବାରଣ କରାଯାଇଛି। ଏସବୁ ନିର୍ଦ୍ଦେଶର ଅବମାନନା କରାଗଲେ ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ନିର୍ଦ୍ଦେଶ ଦିଆଯାଇଛି ା